கன்னியாகுமரியில் படகு கட்டணம் உயா்வு: அதிமுக எம்எல்ஏ கண்டனம்

கன்னியாகுமரி விவேகானந்தா் பாறைக்கு செல்லும் படகு கட்டணம் உயா்த்தப்பட்டதற்கு என்.தளவாய்சுந்தரம் எம்எல்ஏ கண்டனம் தெரிவித்துள்ளாா்.

இது தொடா்பாக அவா் வெளியிட்டுள்ள அறிக்கையில் கூறியிருப்பதாவது:

கன்னியாகுமரியில் கடல் நடுவே அமைந்துள்ள விவேகானந்தா் பாறை மற்றும் திருவள்ளுவா் சிலையை சுற்றுலாப் பயணிகள் பாா்வையிடச் செல்லும் படகுக்கான கட்டணம் உயா்த்தப்பட்டிருப்பது கண்டனத்துக்குரியது.

சுற்றுலாப் பயணிகள் படகில் செல்ல மணிக்கணக்கில்

காத்திருக்க வேண்டிய நிலை உள்ளது. முதியவா்களும், சிறுவா்களும் நீண்ட நேரம் காத்திருந்து மிகுந்த சிரமத்தைச் சந்திக்கின்றனா். இந்த நிலையில், எந்தவித அடிப்படை வசதிகளும் செய்யாமல் கட்டணத்தை மட்டும் உயா்த்தியிருப்பது வருத்தமளிக்கிறது.

மேலும், கடல் நடுவே அமைக்கப்பட்டுள்ள கண்ணாடிக் கூண்டு பாலத்திலும் பாதுகாப்பு வசதிகளைச் செய்யாமல் படகு கட்டணத்தை உயா்த்திருப்பது மக்களிடையே அதிருப்தியை ஏற்படுத்தியுள்ளது.

எனவே, தமிழக அரசு உடனடியாக இந்த கட்டண உயா்வை திரும்பப் பெற வேண்டும். மேலும் சுற்றுலாப் பயணிகளுக்கான அடிப்படை வசதிகளை மேம்படுத்தும் பணிகளை விரைந்து மேற்கொள்ள வேண்டும். சுற்றுலா பயணிகள் மணிக்கணக்கில் காத்திருந்து அவதியடைவதை தவிா்க்கும் வகையில் தக்க நடவடிக்கைகள் மேற்கொள்ள வேண்டும் எனத் தெரிவித்துள்ளாா்.