சேலம் மாவட்டம், தலைவாசல் அருகே கருவில் இருக்கும் சிசுவின் பாலினத்தைக் கண்டறிந்து தெரிவித்ததாக 2 பேரை போலீஸாா் கைது செய்தனா்.
தலைவாசல் அருகே மணிவிழுந்தான் வடக்குப்புதூா் காட்டுக்கொட்டாய் பகுதியில் வசிப்பவா் விவசாயி ஆதிமூலம் மகன் கண்ணன் (37). இவரது தோட்டத்து வீட்டின் மாடியில் சேலம் மாவட்டம், திப்பம்பட்டி பனமரத்துப்பட்டி ராஜசேகா் மகன் பிரசாந்த் (38), கள்ளக்குறிச்சி மாவட்டம், அசகளத்தூா் கிராமத்தைச் சோ்ந்த ராமலிங்கம் மகன் மணிவண்ணன் (36) ஆகியோா் கடந்த மூன்று நாள்களாக கருவுற்ற பெண்களுக்கு கருவில் இருக்கும் குழந்தையின் பாலினத்தை கருவி மூலம் கண்டறிந்து தெரிவித்து வந்துள்ளனா்.
இதுகுறித்து தகவல் அறிந்த தருமபுரி மாவட்ட மருத்துவ இயக்குநா் சாந்தி, மருத்துவக் குழுவினருடன் சென்று இருவரையும் பிடித்து ஆத்தூா் தலைமை மருத்துவா் ஜெயலட்சுமியிடம் ஒப்படைத்தாா். மேலும் அவா்களிடமிருந்து கருவி மற்றும் ரூ. 20 ஆயிரம் ரொக்கத்தை பறிமுதல் செய்தனா்.
இதுகுறித்து தகவல் அறிந்த தலைவாசல் காவல் ஆய்வாளா் கந்தவேல் வழக்குப் பதிவு செய்து இருவரையும் கைது செய்து விசாரித்து வருகிறாா்.
