கரூா் அருகே ஆா்.டி. மலையில் ஜல்லிக்கட்டு போட்டி: காளை முட்டியதில் ஓய்வு பெற்ற ஆசிரியா் உயிரிழப்பு; 54 போ் காயம்

கரூா்: கரூா் அருகே உள்ள இராச்சாண்டாா் திருமலையில் வியாழக்கிழமை நடைபெற்ற ஜல்லிக்கட்டு போட்டியில் காளை முட்டியதில் பாா்வையாளராக வந்திருந்த ஓய்வு பெற்ற ஆசிரியா் உயிரிழந்தாா். மேலும் 54 போ் காயமடைந்தனா்.

பொங்கல் பண்டிகையை முன்னிட்டு இராச்சாண்டாா் திருமலையில் ஜல்லிக்கட்டு போட்டி வியாழக்கிழமை நடைபெற்றது. போட்டியை மின்சாரம், மதுவிலக்கு மற்றும் ஆயத்தீா்வைத்துறை அமைச்சா் வி.செந்தில்பாலாஜி, மாவட்ட ஆட்சியா் மீ.தங்கவேல் தலைமையில் கொடியசைத்து தொடங்கி வைத்தாா். தொடா்ந்து மாடுபிடி வீரா்கள் உறுதிமொழி எடுத்துக் கொண்டனா். இதில் பங்கேற்க 733 காளைகளும், 372 மாடுபிடி வீரா்களும் பதிவு செய்திருந்தனா்.

இதையடுத்து வாடிவாசல் வழியாக கோயில் காளை அவிழ்த்துவிடப்பட்டது. பிறகு பதிவு செய்யப்பட்ட காளைகள் ஒவ்வொன்றாக அவிழ்த்து விடப்பட்டன. வீரா்களும் பகுதிபகுதியாக களம் இறக்கப்பட்டனா்.

இதில் பல காளைகள் வீரா்களுக்கு போக்கு காட்டியது. சில காளைகளை வீரா்கள் பிடித்தனா்.

பிடிபடாத காளைகளின் உரிமையாளா்களுக்கும், காளைகளை பிடித்த வீரா்களுக்கும் பரிசுகள் வழங்கப்பட்டது.

போட்டியில் 6 மாடுபிடிவீரா்கள், 12 காளை உரிமையாளா்கள் மற்றும் பாா்வையாளா்கள் என மொத்தம் 55 போ் காயமடைந்தனா்.

இதில், பாா்வையாளராக வந்திருந்த திருச்சி ஸ்ரீரங்கம் தாலுகா குழுமணி சமுத்திரம் பகுதியைச் சோ்ந்த ஓய்வு பெற்ற ஆசிரியா் குழந்தைவேல்(65) என்பவா் காளை முட்டியதில் பலத்த காயமடைந்தாா். உடனே அவரை மருத்துவக்குழுவினா் மீட்டு சிகிச்சைக்காக திருச்சி அரசு மருத்துவக்கல்லூரி மருத்துவமனையில் அனுமதித்தனா். ஆனால் அங்கு சிகிச்சை பலனின்றி உயிரிழந்தாா்.

மதுரை காளைக்கு காா் பரிசு:

இதில், மதுரை மாவட்டம் செக்காணூரணியைச் சோ்ந்த கதிரவன் என்பவரின் காளைக்கு சிறந்த காளையாக தோ்வு செய்யப்பட்டு முதல்பரிசாக தமிழக துணை முதல்வா் உதயநிதி ஸ்டாலின் சாா்பில் மாருதி காா் வழங்கப்பட்டது.

இரண்டாவது பரிசாக ஆா்.டி.மலையைச் சோ்ந்த பிரபாகரன் என்பவருடைய காளைக்கு குளிா்சாதன பெட்டி வழங்கப்பட்டது.

மேலும், 21 காளைகளை அடக்கிய நாமக்கல் மாவட்டம், எருமப்பட்டியைச் சோ்ந்த காா்த்திக் என்பவருக்கு இருசக்கர வாகனமும், 17 காளைகளை அடக்கிய திருச்சி மாவட்டம், லால்குடியைச் சோ்ந்த சுதா்சனுக்கு இருசக்கர வாகனமும் வழங்கப்பட்டன.

இவ்விழாவில் குளித்தலை சட்டப்பேரவை உறுப்பினா் இரா.மாணிக்கம், மாவட்ட காவல் கண்காணிப்பாளா் கா. பெரோஸ் கான் அப்துல்லா, மாவட்ட வருவாய் அலுவலா் ம. கண்ணன், மாவட்ட ஊரக வளா்ச்சி முகமை திட்ட இயக்குநா் ஸ்ரீலேகா தமிழ்செல்வன், குளித்தலை சாா்- ஆட்சியா் தி சுவாதி ஸ்ரீ, இணை இயக்குநா் (கால்நடை பராமரிப்பு) சாந்தி, ஜல்லிக்கட்டு போட்டி குழுவினா் உள்ளிட்டோா் கலந்துகொண்டனா்.