கற்றல் அடைவுத் திறன் தோ்வு குறித்த அறிவுறுத்தல்

சென்னை: தமிழகத்தில் அரசு, அரசு உதவி பெறும் பள்ளிகளில் 3, 5, 8 ஆகிய வகுப்புகளில் பயிலும் மாணவா்களுக்கு பிப்.4 முதல் கற்றல் அடைவுத் திறன் தோ்வு நடைபெறவுள்ள நிலையில், தோ்வு தொடா்பாக முதன்மைக் கல்வி அலுவலா்களுக்கு முக்கிய அறிவுறுத்தல்கள் வழங்கப்பட்டுள்ளன.

இது குறித்து பள்ளிக் கல்வித் துறை இயக்குநரகம் சாா்பில், அனைத்து மாவட்ட முதன்மைக் கல்வி அதிகாரிகளுக்கும் அனுப்பிய சுற்றறிக்கை விவரம்:

தமிழகத்தில் அரசு, அரசு உதவி பெறும் பள்ளிகளில் பயிலும் மாணவா்களின் கற்றல் திறனை அளவிடுவதற்காக அவ்வப்போது மாநில கற்றல் அடைவுத் திறன் தோ்வு நடத்தப்பட்டு வருகிறது.

இந்தத் தோ்வு மாணவா்களின் கற்றல் விளைவுகளை அறிந்து மேம்படுத்தவும், பாடத்திட்டம், கற்பித்தல் மற்றும் ஆசிரியா் பயிற்சி ஆகியவற்றில் சீா்திருத்தங்களைக் கொண்டு வருவதையும் நோக்கமாகக் கொண்டுள்ளது. அதன்படி, நிகழாண்டு அரசு, அரசு உதவி பெறும் பள்ளிகளில் 3, 5, 8 ஆகிய வகுப்புகளில் பயிலும் 15.78 லட்சம் மாணவா்களுக்கு கற்றல் அடைவுத் திறன் தோ்வு பிப்.4 முதல் 6-ஆம் தேதி வரை நடத்தப்படவுள்ளது.

இந்தத் தோ்வு கொள்குறி வினாத்தாள் அடிப்படையில் நடைபெறும். வினாத்தாளில் 3-ஆம் வகுப்புக்கு 35 கேள்விகள், 5-ஆம் வகுப்புக்கு 45 வினாக்கள், 8-ஆம் வகுப்புக்கு 50 கேள்விகள் இடம்பெறும். மாதிரி வினாத்தாள்கள் மதிப்பீட்டுப் புலம் மூலமாக பள்ளிக்கல்வி இணையதளத்தில் பதிவேற்றப்பட்டு வருகின்றன.

இதுவிர அறைக் கண்காணிப்பாளா்களாக கலை, அறிவியல், பொறியியல் கல்லூரிகளில் இறுதியாண்டு பயிலும் மாணவா்கள் 38,760 போ் தோ்வு செய்யப்பட்டுள்ளனா். அவா்களுக்கு தேவையான பயிற்சி அளிக்கப்பட்டுள்ளது. தோ்வுக் கண்காணிப்புப் பணிகளில் முதன்மை, மாவட்ட, வட்டாரக் கல்வி அதிகாரிகள் கட்டாயம் ஈடுபட வேண்டும். எவ்வித முறைகேடுகளுக்கு இடம் தராமல் வழிகாட்டுதல்களின்படி தோ்வை சிறப்பாக அந்தந்த மாவட்ட முதன்மைக் கல்வி அதிகாரிகள் நடத்தி முடிக்க வேண்டும் என அதில் கூறப்பட்டுள்ளது.