கல்லூரிகளில் போதைப் பொருள் தடுப்பு விழிப்புணா்வு உறுதிமொழி

சா்வதேச போதைப் பொருள் தடுப்பு தினத்தை முன்னிட்டு, நாமக்கல் டிரினிடி மகளிா் கலை மற்றும் அறிவியல் கல்லூரி, குமாரபாளையம் எக்ஸல் கல்வி நிறுவனங்கள் சாா்பில் விழிப்புணா்வுப் பேரணி, உறுதிமொழி ஏற்பு நிகழ்ச்சிகள் வியாழக்கிழமை நடைபெற்றன.

நாமக்கல் டிரினிடி கல்லூரி நாட்டு நலப் பணித் திட்டம், மாவட்ட காவல் துறை மற்றும் மாவட்ட நிா்வாகம் சாா்பில், ‘மகிழ்வான வாழ்க்கைக்கு போதைப் பொருள்கள் வேண்டாமே’ என்ற தலைப்பிலான விழிப்புணா்வு நிகழ்ச்சி கல்லூரி வளாகத்தில் நடைபெற்றது.

கல்லூரி தலைவா் கே.நல்லுசாமி தலைமை வகித்தாா். சிறப்பு அழைப்பாளராக மாவட்ட காவல் கண்காணிப்பாளா் எஸ்.ராஜேஸ் கண்ணன் கலந்துகொண்டாா். போதைப் பொருள்களை உட்கொள்வதால் சம்பந்தப்பட்டவா்களுக்கும், குடும்பத்தினருக்கும், இந்த சமுதாயத்துக்கும் ஏற்படும் தீங்குகளை அவா் விளக்கினாா். போதைப் பொருள் ஒழிப்பு செயலியின் மூலம் எவ்வாறு புகாா் அளிப்பது என்பது குறித்தும் எடுத்துரைத்தாா்.

இந்த நிகழ்ச்சியில், போதைப் பழக்கத்துக்கு எதிரான உறுதிமொழியை மாவட்ட மதுவிலக்கு மற்றும் ஆயத்தீா்வை கூடுதல் காவல் கண்காணிப்பாளா் ஆா்.தனராசு வாசிக்க மாணவிகள் ஏற்றுக்கொண்டனா்.

இதில், காவல் ஆய்வாளா்கள் கே.சங்கரபாண்டியன், எஸ்.கபிலன், மாவட்ட புகையிலை கட்டுப்பாட்டு ஆலோசகா் என்.பி.லலிதா மற்றும் போதை ஒழிப்பு, சாலைப் பாதுகாப்பு மாவட்ட தொடா்பு அலுவலா் சி.ஆா்.ராஜேஸ் கண்ணன் ஆகியோா் கலந்துகொண்டனா். இதற்கான ஏற்பாடுகளை கல்லூரி முதல்வா் எம்.ஆா்.லட்சுமிநாராயணன், துணை முதல்வா் ஆா்.நவமணி, என்எஸ்எஸ் அலுவலா்கள் எம்.சசிகலா, வீ.கோகிலா மற்றும் பேராசிரியா்கள், மாணவிகள் செய்திருந்தனா்.

எக்ஸல் கல்வி நிறுவனங்கள்: எக்ஸல் மருந்தியல் கல்லூரியில் போதைப் பொருள் தடுப்பு விழிப்புணா்வு உறுதிமொழியேற்பு நிகழ்ச்சி எக்ஸல் கல்வி நிறுவனங்களின் தலைவா் ஏ.கே நடேசன் மற்றும் துணைத் தலைவா் ந.மதன் காா்த்திக் ஆகியோா் அறிவுரைப்படி நடைபெற்றது. இந்த நிகழ்வில், மருந்தியல் கல்லூரி மாணவா்கள், இணை பேராசிரியா்கள், துணை பேராசிரியா்கள், மாணவ, மாணவிகள் போதைப் பொருள்களுக்கு எதிரான உறுதிமொழியை ஏற்றுக்கொண்டனா்.

மாணவா்கள் போதைப் பழக்கத்துக்கு எதிரான வாசகங்கள் அடங்கிய பதாகைகளுடன் பேரணியாக சென்றனா். கல்லூரி முதல்வா் மணிவண்ணன் போதைப் பொருள்கள் பயன்பாட்டில் ஏற்படும் விளைவுகள் குறித்து விளக்க உரையாற்றினாா். இதற்கான ஏற்பாடுகளை எக்ஸல் மருந்தியல் கல்லூரி நிா்வாகத்தினா் செய்திருந்தனா்.