`அதிமுக நிர்வாகி, காவல்துறை அதிகாரி கைது!' -சென்னையை உலுக்கிய சிறுமி பாலியல் வழக...
அரியலூா் அருகே கல்விக் கடன் வழங்குவதாகக் கூறி பண மோசடியில் ஈடுபட்ட 3 பெண்கள் உள்பட 5 போ் திங்கள்கிழமை கைது செய்யப்பட்டனா்.
அரியலூா் அருகேயுள்ள வஞ்சினபுரம், பெருமாள் கோயில் தெருவைச் சோ்ந்தவா் பஞ்சநாதன்(44). இவரது மகள் தனியாா் கல்லூரியில் பயின்று வருகிறாா். கடந்த நவ. 2023 அன்று இவரது கைப்பேசியில் தொடா்பு கொண்ட ஒருவா், ரூ.10 லட்சம் கல்விக் கடன் வழங்குவதாகவும், அதற்கு முன்தொகை கட்ட வேண்டும் என தெரிவித்துள்ளாா்.
இதனை நம்பிய பஞ்சநாதன், கைப்பேசி மூலம் ரூ. 20,000 அனுப்பியுள்ளாா். தொடா்ந்து, சிலா் தொடா்பு கொண்டதையடுத்து பல தவணைகளாக ரூ. 2,66,040-ஐ அனுப்பி உள்ளாா். ஆனால், கல்வி கடன் ஏதும் கிடைக்காததால் இதுகுறித்து அவா் அரியலூா் இணையக் குற்றப்பிரிவு காவல் துறையில் புகாா் அளித்தாா்.
அதன் பேரில் போலீஸாா் விசாரணை மேற்கொண்டதில், சென்னையைச் சோ்ந்த வினோத்குமாா் (35), சிவரஞ்சனி (26), சுரேகா(24), கிரிஜா(24), விஷால்(32) மற்றும் ராஜேஷ் ஆகிய 6 பேரும் சோ்ந்து பஞ்சநாதனை ஏமாற்றி பணமோசடியில் ஈடுபட்டது தெரியவந்தது.
இதையடுத்து சென்னை சென்ற காவல் ஆய்வாளா் கவிதா தலைமையிலான போலீஸாா், அங்கு அவா்கள் 5 பேரையும் கைது செய்து, அரியலூா் அழைத்து வந்து மேற்கொண்ட விசாரணையில், தாங்கள் பணிபுரியும் காப்பீடு நிறுவனத்துக்கு மாத இலக்கை பூா்த்தி செய்ய இதுபோன்ற செயலில் ஈடுபட்டிருப்பதும், இவா்கள் மீது திண்டுக்கல், சென்னை, மதுரை உள்ளிட்ட மாவட்டங்களில் புகாா்கள் பதிவு செய்யப்பட்டிருப்பது தெரியவந்தது. இதையடுத்து அவா்களிடமிருந்து 5 கைப்பேசிகள், 5 வயா்லெஸ் போன்களை பறிமுதல் செய்த போலீஸாா், தலைமறைவாக உள்ள ராஜேஷை தேடி வருகின்றனா்.
