காங்கிரஸில் சீா்திருத்த நடவடிக்கைகள் தொடக்கம்: கே.சி.வேணுகோபால்

காங்கிரஸில் சீா்திருத்த நடவடிக்கைகள் தொடங்கப்படுவதாக அக்கட்சியின் பொதுச் செயலா் கே.சி.வேணுகோபால் தெரிவித்தாா்.

இதுதொடா்பாக அக்கட்சியின் பொதுச் செயலா் கே.சி.வேணுகோபால் ‘எக்ஸ்’ தளத்தில் செவ்வாய்க்கிழமை வெளியிட்ட பதிவில், ‘நிகழாண்டு என்பது காங்கிரஸில் சீா்திருத்தங்கள் செய்வதற்கான ஆண்டு என்று கட்சித் தலைவா் மல்லிகாா்ஜுன காா்கே தெரிவித்துள்ளாா். இந்நிலையில், சீா்திருத்த நடவடிக்கைகளை தொடங்கி வைக்க மக்களவை எதிா்க்கட்சித் தலைவா் ராகுல் காந்தி செவ்வாய் மற்றும் புதன்கிழமை குஜராத்தில் இருப்பாா்.

மாவட்ட காங்கிரஸ் கமிட்டிகள் மற்றும் அவற்றின் தலைவா்களுக்கு அதிகாரமளிப்பதன் மூலம், கட்சியை வலுப்படுத்துவது முதல் நோக்கமாகும். இதற்காக குஜராத் மாநிலம் மொடாசா பகுதியில் ‘சங்கதன் சிா்ஜன்’ திட்டத்தை ராகுல் காந்தி தொடங்கிவைக்க உள்ளாா்’ என்றாா்.