`கடன்களால் கலங்கி நிற்கிறதா தமிழகம்?' - இபிஎஸ் சாடலும் திமுகவின் பதிலும்
மேற்கு தொடா்ச்சி மலைப் பகுதிகளில் காட்டுப் பன்றிகளால் ஏற்படும் பயிா் சேதத்துக்கு அரசு இழப்பீடு வழங்க வேண்டும் என விவசாயிகள் கோரிக்கை விடுத்தனா்.
சிவகாசி சாா்-ஆட்சியா் அலுவலகத்தில் புதன்கிழமை சாா்-ஆட்சியா் பிரியா தலைமையில் விவசாயிகள் குறைதீா்க்கும் கூட்டம் நடைபெற்றது. இந்தக் கூட்டத்தில் நடைபெற்ற விவாதம்:
ராமச்சந்திரராஜா (ராஜபாளையம்): விருதுநகா் மாவட்டத்தில் வோளாண் பொறியியல் துறையில் இருந்த ஒரே ஒரு நெல் அறுவடை இயந்திரமும் திருநெல்வேலி மாவட்டத்துக்கு அனுப்பப்பட்டு விட்டது. இதனால், விருதுநகா் மாவட்ட விவசாயிகள் தனியாா் நெல் அறுவடைஇயந்திரத்தைப் பயன்படுத்தியே அறுவடை செய்ய வேண்டியுள்ளது. இதற்கும் அதிக கட்டண வசூல் செய்கிறாா்கள். எனவே, நெல்அறுவடை இயந்திர வாடகையை அரசு நிா்ணயம் செய்ய வேண்டும்.
அம்மையப்பன் (தேவதானம்): ராஜபாளையம் மேற்குத் தொடா்ச்சி மலை அடிவாரத்தில் உள்ள தென்னந்தோப்புகளில் அணில்கள் தேங்காயை சேதப்படுத்தி வருவதால் விவசாயிகள் பாதிக்கப்பட்டு வருகின்றனா்.
ஜோசப் ஆரோக்கியராஜ் (நத்தம்பட்டி): மேற்குத் தொடா்ச்சி மலைப் பகுதிகளில் காட்டுப்பன்றியால் பாதிப்புக்குள்ளாகும் பயிா்களுக்கு அரசு இழப்பீட்டுத் தொகை வழங்க நடவடிக்கை எடுக்க வேண்டும்.
நாராயணசாமி (எம்.துரைச்சாமிபுரம்): எம்.துரைச்சாமி புரத்தில் உள்ள நீா்நிலை அக்கிரமிப்புகளை அகற்ற அதிகாரிகள் நடவடிக்கை எடுக்க வேண்டும். விவசாயிகள் குறைதீா்க்கும் கூட்டத்துக்கு வேளாண் துறை சாா்ந்த உயா் அதிகாரிகள் வருவதில்லை. விளைநிலங்களுக்குள் வரும் காட்டுப்பன்றிகளை அழிப்பதற்கு விவசாயிகளுக்கு அனுமதி வழங்க வேண்டும்.
சாா்-ஆட்சியா் பிரியா: விவசாயிகளின் கோரிக்கைகளை அரசின் கவனத்துக்கு கொண்டு சென்று உரிய நடவடிக்கை எடுக்கப்படும். விவசாயிகள் குறைதீா்க்கும் கூட்டத்திற்கு வேளாண் அதிகாரிகள் வருவதற்கு நடவடிக்கை எடுக்கப்படும் என்றாா்.
