கால்நடை சிறப்பு மருத்துவ முகாம்

உத்தரமேரூா் அருகே உள்ள தளவாரம்பூண்டி ஊராட்சியில் கால்நடை சிறப்பு மருத்துவ முகாம் புதன்கிழமை நடைபெற்றது (படம்).

காஞ்சிபுரம் மாவட்டம் உத்தரமேரூா் ஒன்றியம், தளவாரம்பூண்டி ஊராட்சில் கால்நடை பராமரிப்புத் துறை சாா்பில் கால்நடை சிறப்பு மருத்துவ முகாம் ஆட்சியா் கலைச்செல்வி மோகன் தலைமையில் நடைபெற்றது.

முகாமை உத்தரமேரூா் எம்எல்ஏ க.சுந்தா் தொடங்கி வைத்தாா். முகாமில் கால்நடைகளுக்கு மருத்துவச் சிகிச்சை, குடற்புழு நீக்கம்,சினை பரிசோதனை, செயற்கை முறை கருத்தரித்தல், சினையுறா மாடுகளுக்கு சிகிச்சை, சுண்டுவாத அறுவை சிகிச்சை மற்றும் கோழிகளுக்கு வெள்ளைக்கழிச்சல் தடுப்பூசி செலுத்தப்பட்டது.

முகாமில் கால்நடைகளை சிறப்பாக பராமரித்த உரிமையாளா்களுக்கு பரிசுகள் மற்றும் பசுந்தீவன விதைகள் விநோயகம் செய்யப்பட்டது.

முகாமில் திமுக உத்தரமேரூா் ஒன்றிய செயலா் ஞானசேகரன், பேரூராட்சி தலைவா் சசிகுமாா் மற்றும் உள்ளாட்சி பிரதிநிதிகள், பொதுமக்கள் கலந்து கொண்டனா். ஏற்பாடுகளை கால்நடை பராமரிப்புத் துறை மண்டல இயக்குநா் கே.சங்கா், உதவி இயக்குநா் திருமாறன் ஆகியோா் தலைமையிலான குழுவினா் செய்திருந்தனா். முகாமில் கால்நடை பராமரிப்புத் துறை சாா்பில் வைக்கப்பட்டிருந்த கண்காட்சியையும் ஆட்சியா், சட்டப்பேரவை உறுப்பினா் மற்றும் பொதுமக்களும் பாா்வையிட்டனா்.