காவிரி டெல்டா பாசனத்திற்கு தண்ணீர் திறப்பு வினாடிக்கு 12,000 கன அடியாக அதிகரிப்பு

மேட்டூர்: மேட்டூா் அணையிலிருந்து காவிரி டெல்டா பாசனத்திற்கு திறக்கப்படும் நீரின் அளவு வினாடிக்கு 12,000 கன அடியாக அதிகரிக்கப்பட்டுள்ளதால் மேட்டூர் அணையின் நீர் மட்டம் சரியத் தொடங்கியது.

காவிரி டெல்டா பாசனப்பகுதிகளில் பெய்த மழை காரணமாக மேட்டூர் அணையிலிருந்து காவிரி டெல்டா பாசனத்திற்கு திறக்கப்படும் நீரின் அளவு நவம்பர் 19 ஆம் தேதி வினாடிக்கு 1000 கன அடியாக குறைக்கப்பட்டது. மழை நீடித்ததால் டிசம்பர் 21 ஆம் தேதி மேட்டூர் அணையிலிருந்கு பாசனத்திற்கு திறக்கப்படும் நீரின் அளவு வினாடிககு 500 கனஅடியாக மீண்டும் குறைக்கப்பட்டது. பாசனத்திற்கு திறக்கப்படும் நீரின் அளவு குறைக்கப்பட்டதால் மேட்டூர் அணையின் நீர் மட்டம் மெல்ல உயரத்தொடங்கியது. டிசம்பர் 31 ஆம் தேதி இரவு கடந்த ஆண்டு மூன்றாவது முறையாக மேட்டூர் அணை நிரம்பியது.

தற்போது பாசனப்பகுதிகளில் பெய்த மழை தனிந்ததால் காவிரி டெல்டா பாசனத்திற்கு பாசன தேவை அதிகரித்துள்ளது. இதன் காரணமாக மேட்டூர் அணையிலிருந்து காவிரி டெல்டா பாசனத்திற்கு திறக்கப்படும் நீரின் அளவு அதிகரித்துள்ளது.

இதன் காரணமாக வியாழக்கிழமை மாலை வினாடிக்கு 5,000 கன அடியாகவும், இரவு வினாடிக்கு 10,000 கனஅ டியாகவும் அதிகரிக்கப்பட்டது. வெள்ளிக்கிழமை காலை வினாடிக்கு 12,000 கன அடியாக அதிகரிக்கப்பட்டுள்ளது.

இதையும் படிக்க | கோவையில் கேஸ் சிலிண்டர் டேங்கர் லாரி கவிழ்ந்து விபத்து: பள்ளிகளுக்கு விடுமுறை

அணைக்கு வரும் நீரின் அளவை விட பாசனத்திற்கு திறக்கப்படும் நீரின் அளவு அதிகமாக இருப்பதால் நிரம்பிய நிலையில் இருந்த மேட்டூர் அணையின் நீர் மட்டம் இரண்டு நாள்களுக்குப் பிறகு குறையத் தொடங்கியது.

அணையின் நீா்மட்டம் வெள்ளிக்கிழமை காலை 120 அடியிலிருந்து 119.76 அடியாக குறைந்தது. ணையின் நீா்வரத்து வினாடிக்கு 1871 கனஅடியிலிருநது வினாடிக்கு 1992 கனஅடியாக அதிகரித்துள்ளது.

அணையிலிருந்து கிழக்கு-மேற்கு கால்வாய் பாசனத்திற்கு வினாடிக்கு 300 கன அடி வீதம் தண்ணீர் திறக்கப்படுகிறது. மேட்டூர் அணையின் நீர் இருப்பு 93.68 டி.எம்.சியாக உள்ளது.

காவிரி டெல்டா பாசன பகுதிகளில் பாசன தேவை அதிகரித்துள்ளதால் பாசனத்திற்கு திறக்கப்படும் நீரின் அளவு அதிகரிக்கப்பட்டுள்ளதாக பொதுப்பணித்துறை அதிகாரிகள் தெரிவித்துள்ளனா்.