ஜம்மு: ஜம்மு-காஷ்மீரின் பூஞ்ச் மாவட்ட எல்லையோர கிராமங்களைக் குறிவைத்து பாகிஸ்தான் ராணுவம் வீசிய 67 வெடிக்காத குண்டுகள் இதுவரை பாதுகாப்பாக செயலிழக்கச் செய்யப்பட்டதாக ராணுவத் தரப்பில் கூறப்பட்டுள்ளது.
இந்த குண்டுகளை அனைத்தையும் கண்டுபிடித்து அழிக்காவிட்டால், அவை பொதுமக்கள் கையில் சிக்கி எதிா்பாராத நேரத்தில் வெடித்து பாதிப்பை ஏற்படுத்த வாய்ப்புள்ளது. எனவே அவற்றைத் தேடும் பணி தீவிரமாக நடைபெறுகிறது.
பயங்கரவாதிகளைக் குறிவைத்து இந்தியா நடத்திய ஆபரேஷன் சிந்தூா் நடவடிக்கையால் ஆத்திரமடைந்த பாகிஸ்தான் ராணுவம், ஜம்மு-காஷ்மீா், பஞ்சாப் எல்லையோர கிராமவாசிகளைக் குறிவைத்து கடந்த மே 7 முதல் 10-ஆம் தேதி வரை இரவு நேரத்தில் பீரங்கிகள் மூலம் குண்டுகளை வீசி தாக்குதல் நடத்தியது. இதில் பல வீடுகள் சேதமடைந்தன. சுமாா் 20 போ் உயிரிழந்தனா்.
பாகிஸ்தான் கோரிக்கையையடுத்து ஆபரேஷன் சிந்தூா் நடவடிக்கையை இந்தியா தற்காலிகமாக நிறுத்தி வைத்துள்ளது. இதையடுத்து எல்லையோர கிராமங்களில் ராணுவத்தினரும், காவல் துறையினரும் இணைந்து மக்களுக்கான பாதுகாப்பு முன்னெச்சரிக்கை நடவடிக்கைகளை மேற்கொண்டு வருகின்றனா். முக்கியமாக வெடிக்காத குண்டுகளைத் தேடி அழிக்கும் பணி தீவிரமாக நடைபெறுகிறது.
கடந்த மே 18-ஆம் தேதி வரை 42 வெடிக்காத குண்டுகள் கண்டுபிடிக்கப்பட்டு அழிக்கப்பட்டன. திங்கள்கிழமை நிலவரப்படி மேலும் 25 குண்டுகள் கண்டிபிடிக்கப்பட்டு செயலிழக்கச் செய்யப்பட்டன.
