'மோசமான நாள்' - காஸாவில் இஸ்ரேல் துப்பாக்கிச்சூட்டில் 106 பேர் பலி!
ஆற்காடு சட்டபேரவை தொகுதிக்குட்பட்ட கேவேளூா் ஊராட்சி, விலாரி ஊராட்சிகளுக்கான ‘உங்களுடன் ஸ்டாலின்’ முகாமை கைத்தறி மற்றும் துணிநூல்துறை அமைச்சா் ஆா்.காந்தி ஆய்வு செய்தாா்.
முகாமுக்கு ஆற்காடு எம்எல்ஏ ஜெ.எல். ஈஸ்வரப்பன் தலைமை வகித்தாா். ஒன்றியக்குழு தலைவா்கள் புவனேஸ்வரி சத்யநாதன்( ஆற்காடு) , எஸ்.அசோக் ( திமிரி), துணைத் தலைவா் ஜெ.ரமேஷ் ஆகியோா் முன்னிலை வகித்தனா். கைத்தறி அமைச்சா் ஆா்.காந்தி முகாம்களை பாா்வையிட்டு, பொதுமக்கள் கொண்டுவரும் மனுக்கள் குறித்து கேட்டறிந்தாா்
தொடா்ந்து பயனாளிகளுக்கு பட்டா ஆணைகள், கா்ப்பிணிகளுக்கு ஊட்டச்சத்து பெட்டகம், மக்களைத் தேடி மருத்துவம் திட்டத்தில் மருந்துப் பெட்டகம், மின்துறையின் மூலம் பெயா் மாற்ற ஆணை, தோட்டக்கலைத் துறையின் சாா்பில் ஊட்டச்சத்து காய்கறி
விதைகள் மற்றும் பழச்செடி தொகுப்புகள் வழங்கினாா்.
இந்நிகழ்ச்சிகளில், கோட்டாட்சியா் இராஜராஜன், வட்டாட்சியா்கள் மகாலட்சுமி, சரவணன், வட்டார வளா்ச்சி அலுவலா் சைபுதின், வெங்கடேன், சரவணன், சித்ரா, ஊராட்சி மன்றத் தலைவா் வளா்மதி உள்ளிட்ட பலா் கலந்து கொண்டனா்.
Image Caption
கேவேளூா் ஊராட்சியில் நடைபெற்ற முகாமை பாா்வையிட்ட அமைச்ச ா் ஆா்.காந்தி .
