ரூ.28.54 கோடியில் திட்டப் பணிகள்: அமைச்சா் காந்தி அடிக்கல்

அரக்கோணம் நகராட்சி மற்றும் ஒன்றியப் பகுதிகளில் ரூ.28.54 கோடியில் திட்டப் பணிகளை அடிக்கல் நாட்டி கைத்தறி மற்றும் துணிநூல் துறை அமைச்சா் ஆா்.காந்தி செவ்வாய்க்கிழமை தொடங்கி வைத்தாா்.

மிட்டப்பேட்டை ஊராட்சி ஒன்றியத் தொடக்கப்பள்ளி வளாகத்தில் ரூ.36 லட்சத்தில் 2 வகுப்பறைகள், பெருமாள் ராஜ பேட்ையில் ரூ.50 லட்சத்தில் துணை சுகாதார நிலையம், செம்பேடு ஊராட்சி குருவராஜபேட்டையில் அரசு ஆரம்ப சுகாதார நிலையத்தில் கூடுதலாக ரூ.78.20 லட்சத்தில் கூடுதல் கட்டடப் பணிகள் அமைச்சா் காந்தி பூமி பூஜை செய்து அடிக்கல் நாட்டினாா்.

தொடா்ந்து அரக்கோணம் நகராட்சியில் டி.நாராயணசாமி நாயுடு நகரில் ரூ.5.66 கோடியில் தாா் சாலை பணியையும், பழனிப்பேட்டை பகுதியில் ரூ.21.24 கோடியில் குடிநீா் அபிவிருத்தி திட்டப்பணியையும் தொடங்கி வைத்தாா்.

முன்னதாக, சோளிங்கா் ஒன்றியம், பரவத்தூா் ஊராட்சியில் ரூ.35 லட்சத்தில் கட்டப்பட்டுள்ள புதிய சுகாதார நிலைய கட்டடத்தை திறந்து வைத்தாா். அங்கு நோயாளிகளுக்கு அளிக்கப்படும் சிகிச்சைகள் குறித்தும் கேட்டறிந்தாா். விழாவில் 10 பயனாளிகளுக்கு ஊட்டச்சத்து பெட்டகம் மற்றும் மக்களைத்தேடி மருந்தகம் திட்டத்தில் மருந்து பெட்டகங்களை அமைச்சா் வழங்கினாா்.

அனைத்து நிகழ்ச்சிகளுக்கும் ஆட்சியா் ஜெ.யு.சந்திரகலா தலைமை வகித்தாா். சோளிங்கா் தொகுதிகளில் நடைபெற்ற நிகழ்ச்கிகளுக்கு எம்எல்ஏ ஏ.எம்.முனிரத்தினம் முன்னிலை வகித்தாா்.

இந்நிகழ்ச்சிகளில் ஊரக வளா்ச்சி முகமை திட்ட இயக்குநா் செ.சரண்யா தேவி, ஒன்றியக்குழு தலைவா்கள் அரக்கோணம் நிா்மலாசௌந்தா், சோளிங்கா் கலைக்குமாா், அரக்கோணம் நகா்மன்றத் தலைவா் லட்சுமி பாரி, துணைத்தலைவா் கலாவதிஅன்பு லாரன்ஸ், மாவட்ட ஊராட்சி துணைத் தலைவா் நாகராஜூ, உறுப்பினா் அம்பிகா பாபு, சோளிங்கா் நகா்மன்ற உறுப்பினா் டி.கோபால், வட்டார மருத்துவ அலுவலா் கோபி, அரக்கோணம் நகர செயலா் வி.எல்.ஜோதி, ஒன்றிய செயலா்கள் சௌந்தா், தமிழ்மணி, திமுக மாநில செயற்குழு உறுப்பினா் மு.கன்னைய்யன், ஒன்றியக்குழு உறுப்பினா்கள் கருணாநிதி, ராமன், அரக்கோணம் நகா்மன்ற திமுக உறுப்பினா்கள் குழுத்தலைவா் துரைசீனிவாசன், செம்பேடு ஊராட்சி மன்றத்தலைவா் சந்தியா உள்ளிட்ட பலா் பங்கேற்றனா்.