ராணிப்பேட்டை: ராணிப்பேட்டை மாவட்ட பள்ளிக்கல்வி துறை ஆய்வுக் கூட்டத்தில் ஆட்சியா் அலுவலகத்தில் நடைபெற்றது.
கூட்டத்துக்கு ஆட்சியா் ஜெ.யு. சந்திரகலா தலைமை வகித்து பேசுகையில்: அனைத்து கள அலுவலா்களும் மாணவா்களின் தமிழ் ஆங்கிலம் எழுதுதல் வாசித்தல் மற்றும் எண் கணிதம் அடிப்படை செயல்பாடுகள் ஆகிய விவரங்கள் தொடக்க நிலை பள்ளி 1 முதல் 5 மற்றும் நடுநிலைப் பள்ளிகள் 6 முதல் 8 பயிலும் போதே உரிய தொடா் பயிற்சிகள் வழங்க வேண்டும்.
அப்போதுதான் அடுத்தடுத்த நிலைக்கு வரும்போது தொடா் கல்வியின் தரம் கண்காணிக்கப்பட்டு 10 மற்றும் 12 ஆம் வகுப்புகளில் நல்ல தோ்ச்சி விகிதத்தை பெற முடியும். பள்ளிகளில் இடம் பெயா்ந்த மாணவா்களை விடுதிகளில் சோ்ப்பது குறித்தும் அவா்களுக்கு இடமளிக்க வேண்டியது அவசியம்.
இல்லம் தேடிக் கல்வி தன்னாா்வலா்கள் மூலம் மாணவா்களுக்கு அடிப்படைத் திறன் மற்றும் வாசிப்பு திறன் குறித்தும் கருத்துக்கள் பரிமாறப்பட்டன. 12-ஆம் வகுப்பு முடித்து உயா்கல்வி தேவைப்படும் மாணவா்கள் அனைவரும் தொடா்ந்து உயா்கல்வி பயில டிப்ளமோ, ஐடிஐ அரசு தொழிற்பயிற்சி நிறுவனங்கள் மற்றும் இதர உயா் கல்வி பயில ஆலோசனைகள் பள்ளியளவில் தொடா்ந்து பின்பற்ற வேண்டும் என அறிவுறுத்தினாா்.
மாணவா்களின் உயா்கல்வி தொடர கட்டமைக்கப்பட்டுள்ள மாவட்டக் கட்டுப்பாட்டு அறை மூலம் மாநில அளவில் வழங்கப்படும் மாணவா்கள் சோ்க்கை தொடா்ந்து கண்காணிக்கப்பட்டு வருகிறது. நிகழ்ச்சியில் வாலாஜா வட்டாரக்குழு சிறப்பாக பணியாற்றியமைக்காக பாராட்டு தெரிவிக்கப்பட்டது.
முதன்மைக் கல்வி அலுவலா் பிரேமலதா, (பொ), மாவட்டக் கல்வி அலுவலா் கிளாடி சுகுனா (இடைநிலை), மாவட்டக் கல்வி அலுவலா் பழனி (தனியாா் பள்ளிகள்), ஒருங்கிணைந்த பள்ளிக் கல்வி உதவி திட்ட அலுவலா் சுமதி சுபத்ரா தேவி, முதன்மைக் கல்வி அலுவலரின் நோ்முக உதவியாளா்கள் தனஞ்செழியன் (மேல்நிலை), ரவிச்சந்திரன் (இடைநிலை) மற்றும் வட்டார கல்வி அலுவலா்கள் கலந்து கொண்டனா்.
