கீழ்பவானி வாய்க்காலில் முன்கூட்டியே தண்ணீா் திறக்க வேண்டும்: கொமதேக கோரிக்கை

பவானிசாகா் அணையிலிருந்து கீழ்பவானி வாய்க்காலில் பாசனத்துக்காக முன்கூட்டியே தண்ணீா் திறக்க வேண்டும் என : கொங்குநாடு மக்கள் தேசியக் கட்சியின் மாநில இளைஞா் அணி செயலாளா் சூரியமூா்த்தி கோரிக்கை விடுத்துள்ளாா்.

இதுகுறித்து அவா் வெளியிட்டுள்ள அறிக்கையில் கூறியிருப்பதாவது:

பவானிசாகா் அணையின் நீா் இருப்பு 95 கனஅடியை தற்போது எட்டி உள்ளது. அணைக்கு நீா் வரத்தும் ஓரளவு உள்ளதால் விரைவில் பவானிசாகா் அணை முழுக் கொள்ளளவை எட்டும் நிலை உள்ளது. இந்நிலையில் கடந்த முறை அணை முழுக் கொள்ளளவை எட்டிய நிலையில் உபரி நீா் திறந்து விடப்பட்டு, விவசாயத்துக்கு பயன்படாமல் ஆற்றில் வீணாகக் கலக்கும் நிலை ஏற்பட்டது. இயற்கை கை கொடுத்தும் அதை உரிய முறையில் பயன்படுத்திக் கொள்ள முடியாத சூழ்நிலை ஏற்பட்டது. அத்தகையச் சூழலை தவிா்க்கும் பொருட்டு, தற்போது அணையில் தேவையான நீா் இருப்பு உள்ளதால், முன்கூட்டியே பாசனத்துக்குத் தண்ணீா் திறக்கப்பட வேண்டும். அவ்வாறு நீா் திறக்கப்படுவதால், உபரி நீா் ஆற்றில் வீணாகக் கலப்பதைத் தடுக்க முடியும். மேலும், தற்போது சாகுபடி செய்துள்ள கரும்பு, மஞ்சள், வாழை பயிா்களுக்கானத் தண்ணீா் தேவையை பூா்த்தி செய்ய முடியும்.

விவசாயிகள் பயிரிடுவதற்கு தங்களது விவசாய நிலங்களை முன்கூட்டியே தயாா் செய்யவும் உதவியாக இருக்கும். மாவட்டத்தின் சில இடங்களில் குடிநீா்ப் பற்றாக்குறை நிலவுகிறது. வாய்க்காலில் தண்ணீா் திறந்து விடப்படுவதால் நிலத்தடி நீா்மட்டம் குறைந்துள்ள பகுதிகளில் உள்ள கிணறுகளில் நீா் நிரம்பி விடும். இதனால் குடிநீா் பற்றாக்குறையை பூா்த்தி செய்வதுடன், ஆயக்கட்டுக்குச் சேராத விவசாய விளை நிலங்களுக்குச் சொந்தமான விவசாயிகளும் பயன் பெறுவாா்கள். எனவே, இதைக் கருத்தில் கொண்டு மாவட்ட நிா்வாகம் வழக்கமாக தண்ணீா் திறக்கப்படும் ஆகஸ்ட் 15 தேதிக்கு பதிலாக, முன்கூட்டியே தண்ணீா் திறக்க முன்வர வேண்டுமென தெரிவிக்கப்பட்டுள்ளது.