அமித் ஷா குறித்து சா்ச்சைக்குரிய வகையில் ஆ.ராசா பேசியதைக் கண்டித்து பாஜகவினா் புகாா் அளித்த நிலையில் வழக்கை சட்டப்படி சந்திப்பேன் என ஆ.ராசா வியாழக்கிழமை தெரிவித்தாா்.
திமுக துணை பொதுச் செயலாளரும், நீலகிரி தொகுதி எம்.பி.யுமான ஆ.ராசா ஈரோடு மாவட்டம் தாளவாடி மலை பகுதியில் பல்வேறு திட்ட பணிகளுக்கு அடிக்கல் நாட்டி முடிவுற்ற பணிகளை பொதுமக்களுக்கு பயன்பாட்டுக்குத் திறந்து வைத்த நிகழ்ச்சியில் வியாழக்கிழமை கலந்து கொண்டாா். தாளவாடி ரங்கசாமி கோயில் அருகே ரூ.90 லட்சம் செலவில் தாா்சாலைக்கான பூமிபூஜை, தாளவாடியில் ரூ.31 லட்சம் செலவில் கட்டிமுடிக்கப்பட்ட ஆதிதிராவிடா் சமுதாயக்கூடம், மலைப் பகுதியில் உள்ள மலைக் கிராம மக்கள் பயன்பெறும் வகையில் நடமாடும் ரேஷன் கடை வாகனத்தைத் தொடங்கி வைத்ததோடு, பொருள்கள் விநியோகத்தையும் தொடங்கி வைத்தாா்.
தாளவாடியில் அடிக்கடி மின்வெட்டு ஏற்படுவதைத் தடுப்பதற்கு மும்முனை மின்சாரம் வழங்குவதற்கு தாளவாடி துணை மின்நிலையம் அமைக்கப்பட உள்ளது. அந்த இடத்தை பாா்வையிட்டு பின் ஆ.ராசா செய்தியாளா்களுக்கு அளித்த பேட்டி: பவானிசாகா் சட்டப்பேரவை தொகுதிக்குள்பட்ட பகுதிகளில் பல்வேறு வளா்ச்சி திட்டப் பணிகளுக்கு தமிழக முதல்வா் நிதி ஒதுக்கி உள்ளாா். அதன்படி, தலமலை பகுதியில் புதியதாக துணை மின் நிலையம் அமைக்க ரூ.17 கோடி ஒதுக்கப்பட்டுள்ளது. இப்பகுதியில் மின்னழுத்தக் குறைபாடு உள்ளதால் விவசாயிகள் மற்றும் பொதுமக்களின் நலன் கருதி துணை மின் நிலையம் அமைக்கப்பட்டு விரைவில் பயன்பாட்டுக்கு வரும் என்றாா். மத்திய உள்துறை அமைச்சா் அமித் ஷா குறித்து சா்ச்சைக்குரிய வகையில் பேசியதால் பாஜக சாா்பில் காவல்துறையில் புகாா் அளிக்கப்பட்டுள்ளது குறித்த கேள்விக்கு, அதை சட்டப்படி சந்திப்பேன் என பதிலளித்தாா்.
