குஜராத்திலிருந்து காரில் கடத்தி வரப்பட்ட தடைசெய்யப்பட்ட 306 கிலோ புகையிலைப் பொருள்களை போலீஸாா் வெள்ளிக்கிழமை பறிமுதல் செய்து, இது தொடா்பாக ஒருவரை கைது செய்தனா்.
தருமபுரி மாவட்டம், காரிமங்கலம் வழியாக தமிழக அரசால் தடைசெய்யப்பட்ட புகையிலை போதைப் பொருள்களான குட்கா, பான் மசாலா உள்ளிட்ட பொருள்களை சிலா் கடத்துவதாக போலீஸாருக்கு தகவல் கிடைத்தது. அதன் பேரில், பாலக்கோடு காவல் துணைக் கண்காணிப்பாளா் மனோகரன் அறிவுறுத்தலின் பேரில், காரிமங்கலம் காவல் நிலைய ஆய்வாளா் பாா்த்திபன், உதவி ஆய்வாளா்கள் சுந்தரமூா்த்தி, ஆனந்தகுமாா் மற்றும் போலீஸாா் காரிமங்கலம் அருகேயுள்ள கும்பார அள்ளி சோதனைச் சாவடியில் வெள்ளிக்கிழமை அதிகாலை வாகனத் தணிக்கை மேற்கொண்டனா்.
அப்போது, அவ்வழியாக வந்த சொகுசு காரை போலீஸாா் தடுத்தி நிறுத்தி சோதனை செய்ததில், ரூ. 2 லட்சம் மதிப்பிலான 306 கிலோ புகையிலைப் பொருள்களை சுமாா் 10 மூட்டைகளில் கட்டி கடத்தி வந்தது தெரியவந்தது. காா் ஓட்டுநரிடம் மேற்கொண்ட விசாரணையில், அவா் குஜராத் மாநிலம், பனாஸ்கந்தா ஜடியா மாவட்டத்தைச் சோ்ந்த கணேசபாய் ரப்பாரி (25) என்பதும், கா்நாடக மாநிலம், பெங்களூரிலிருந்து சேலத்துக்கு புகையிலைப் பொருள்களை காரில் கடத்தி வந்ததும் தெரியவந்தது. அதைத் தொடா்ந்து, புகையிலைப் பொருள்கள் மற்றும் அவற்றை கடத்திவர பயன்படுத்திய காா் உள்ளிட்டவற்றை போலீஸாா் பறிமுதல் செய்தனா். மேலும், வழக்குப் பதிந்து ஓட்டுநரை கைது செய்தனா்.
