தனுஷின் குபேரா திரைப்படத்திற்குத் தணிக்கை வாரியம் யு/ஏ சான்றிதழ் வழங்கியுள்ளது.
நடிகர் தனுஷின் 51-வது படத்தை சேகர் கமூலா இயக்கியுள்ளார். இதில் நாகார்ஜுனா பிரதான பாத்திரத்திலும் ரஷ்மிகா மந்தனா நாயகியாகவும் நடித்துள்ளனர்.
குபேரா எனப் பெயரிடப்பட்டுள்ள இந்தப் படம் பான் இந்தியப் படமாக உருவாகியுள்ளது. ஜூன் 20 ஆம் தேதி வெளியாகவுள்ள இப்படத்துக்கு தேவி ஸ்ரீ பிரசாத் இசையமைத்து வருகிறார்.
ட்ரான்ஸ் ஆஃப் குபேரா (trance of kubera) எனப் பெயரிடப்பட்ட டீசர் விடியோ ரசிகர்களிடையே கவனம் பெற்றது.
தற்போது, படத்தின் போஸ்ட் புரடக்ஷன் வேலைகள் விறுவிறுப்பாக நடைபெற்று முடிவடைந்துள்ளன.
இந்நிலையில், படத்திற்கு மத்திய தணிக்கை வாரியம் யு/ஏ சான்றிதழ் வழங்கியுள்ளது. அத்துடன் ரன்னிங் டைம் 181 நிமிஷம் (3 மணி நேரம் 1 நிமிஷம்) எனவும் அதிகாரபூர்வமாக தெரிவிக்கப்பட்டுள்ளது.
இதற்கு முன்னதாக 3.15 மணிநேரம் எனக் கூறப்பட்டு வந்த நிலையில், தற்போது 3 மணி நேரம் 1 நிமிஷம் என அதிகாரபூர்வமாக தெரிவிக்கப்பட்டுள்ளது.
சமீபத்தில் குபேரா டிரைலர் வெளியாகி நல்ல வரவேற்பைப் பெற்று வருகிறது.
