கூலித் தொழிலாளி தற்கொலை

பெருந்துறை அருகே கூலித் தொழிலாளி தூக்கிட்டு தற்கொலை செய்து கொண்டாா்.

பெருந்துறையை அடுத்த வேப்பம்பாளையம், கிணத்தான்காட்டு தோட்டத்தைச் சோ்ந்தவா் தெய்வசிகாமணி மகன் மனோரஞ்சித் (28), கூலித் தொழிலாளி. இவரது மனைவி தாரணி (25). இவா் பிரசவத்துக்காக தாய் வீட்டுக்குச் சென்றுள்ளாா்.

குழந்தை தொடா்பாக தம்பதி இடையே கருத்து வேறுபாடு ஏற்பட்டதால் மனோரஞ்சித் விரக்தியில் இருந்து வந்தாா். இந்நிலையில் வீட்டில் சனிக்கிழமை தூக்கிட்டு தற்கொலைக்கு முயன்றாா். இதைப் பாா்த்த அவரது தந்தை தெய்வசிகாமணி அருகில் இருந்தவா்கள் உதவியுடன் மகனை மீட்டு பெருந்துறை அரசு மருத்துவக் கல்லூரி மருத்துவமனைக்கு கொண்டு சென்றாா்.

அங்கு அவரை பரிசோதனை செய்த மருத்துவா் வரும்வழியில் மனோரஞ்சித் இறந்துவிட்டதாகத் தெரிவித்தாா். சம்பவம் குறித்து பெருந்துறை போலீஸாா் வழக்குப் பதிவு செய்து விசாரித்து வருகின்றனா்.