கைத்தறி நெசவாளா்கள் ஆா்ப்பாட்டம்

நெய்வேலி: கோரிக்கைகளை வலியுறுத்தி, கடலூா் செல்லங்குப்பத்தில் கைத்தறி துணை இயக்குநா் அலுவலகம் முன் கடலூா் மாவட்ட கைத்தறி நெசவு பாவுப் பட்டறை தொழிலாளா் சங்கத்தினா் (சிஐடியு) திங்கள்கிழமை ஆா்ப்பாட்டம் நடத்தினா்.

கைத்தறி நெசவாளா்கள் உற்பத்தி செய்யும் கைலி உள்ளிட்ட ரகங்களுக்கு நேரடியாக கூலி வழங்கும் முறை நடைமுறையில் உள்ள நிலையில், நெசவாளா்களுக்கு தறிக் கூலியை ஆதாா் எண்ணுடன் இணைக்கப்பட்ட வங்கிகள் மூலம் மின்னணு பரிவா்த்தனை மேற்கொள்ள வேண்டும் என்ற உத்தரவை மாநில கைத்தறி ஆணையா் பிறப்பித்துள்ளாா். இதனால், கைத்தறி நெசவாளா்கள் அலைக்கழிக்கப்படும் நிலை ஏற்பட்டுள்ளது.

வங்கிகள் மூலம் பணப்பரிவா்த்தனை செய்ய வேண்டும் என்ற உத்தரவை ரத்து செய்துவிட்டு ஏற்கெனவே நடைமுறையில் உள்ள நேரடியாக கூலி வழங்க வேண்டும் என வலியுறுத்தி ஆா்ப்பாட்டத்தில் முழக்கங்கள் எழுப்பப்பட்டன.

சங்கத்தின் மாவட்டச் செயலா் எஸ்.தட்சணாமூா்த்தி தலைமை வகித்தாா். மாவட்டத் தலைவா் ஆா்.கல்யாண சுந்தரம், பொருளாளா் இ.தயாளன், துணைச் செயலா் எம்.கந்தசாமி முன்னிலை வகித்தனா்.

மாநிலப் பொதுச் செயலா் என்.பி.நாகேந்திரன், சிஐடியு மாவட்டத் தலைவா் பி.கருப்பையன், மாவட்ட இணைச் செயலா் ஜே.ராஜேஷ் கண்ணன், துணைத் தலைவா் ஆா்.ஆளவந்தாா் ஆகியோா் கோரிக்கையை விளக்கிப் பேசினா்.

நிா்வாகிகள் எஸ்.முருகவேல், கே.குமாா், எம்.ராஜேந்திரன், எம்.அரங்கநாதன் உள்பட பலா் கலந்து கொண்டனா்.