கொங்கணாபுரத்தில் நீா்மோா் பந்தல் எடப்பாடி பழனிசாமி திறப்பு!

கொங்கணாபுரம் ஒன்றிய அதிமுக சாா்பில் கொங்கணாபுரம் பேருந்து நிலையம் அருகே நீா்மோா் பந்தல் திறப்பு விழா வெள்ளிக்கிழமை நடைபெற்றது.

முன்னாள் ஒன்றியக் குழுத் தலைவா் கரட்டூா் மணி தலைமையில் நடைபெற்ற நிகழ்ச்சியில் சிறப்பு அழைப்பாளராக அதிமுக பொதுச்செயலாளரும், எதிா்க்கட்சித் தலைவருமான எடப்பாடி கே. பழனிசாமி கலந்துகொண்டு நீா்மோா் பந்தலை திறந்துவைத்து, பொதுமக்களுக்கு இளநீா், நுங்கு, தா்ப்பூசணி, வெள்ளரி, நீா்மோா், குளிா்பானங்களை வழங்கினாா்.

இந்நிகழ்ச்சியில் ஒன்றியச் செயலாளா் ராஜேந்திரன், எடப்பாடி நகா்மன்ற எதிா்க்கட்சித் தலைவா் ஏ.எம். முருகன், தங்காயூா் ராஜா, முன்னாள் பேரூராட்சி தலைவா் பழனிசாமி, ரவி, சண்முகம் உள்ளிட்ட திரளான அதிமுக நிா்வாகிகள் கலந்து கொண்டனா்.

தொடா்ந்து எடப்பாடி பகுதியில் உள்ள நெடுஞ்சாலைத் துறை பயணிகள் ஓய்வு மாளிகைக்கு சென்ற எதிா்க்கட்சித் தலைவா் எடப்பாடி கே. பழனிசாமி, நகர, ஒன்றிய அதிமுக நிா்வாகிகளுடன் ஆலோசனை மேற்கொண்டாா்.

அப்போது எடப்பாடி நகரப் பகுதியைச் சோ்ந்த 50-க்கும் மேற்பட்ட மாற்றுக் கட்சியினா் அக்கட்சிகளிலிருந்து விலகி எடப்பாடி பழனிசாமி முன்னிலையில் அதிமுகவில் இணைந்தனா்