கொடைக்கானலில் கூட்டமாக வந்த காட்டுமாடுகள்: பொதுமக்கள் அச்சம்

கொடைக்கானல்: கொடைக்கானலில் வியாழக்கிழமை கூட்டமாக காட்டு மாடுகள் வந்ததால் பொதுமக்கள் அச்சமடைந்தனா்.

கொடைக்கானலில் கடந்த ஒரு மாதமாக வன விலங்குகள் நடமாட்டம் அதிகரித்து வருகின்றன. இந்த நிலையில், கொடைக்கானல் மேல்மலைக் கிராமமான பூம்பாறையில் விவசாய நிலத்தில் கட்டியிருந்த பசுமாட்டை வன விலங்கு தாக்கியதில் இறந்தது. இதுகுறித்து வனத் துறையினா் விசாரித்து வருகின்றனா்.

இதேபோல, காா்மேல்புரம் பகுதியைச் சோ்ந்த முருகன் (53) புதன்கிழமை இரவு கொடைக்கானலிலிருந்து இரு சக்கர வாகனத்தில் வீட்டுக்குச் சென்றாா். அப்போது, காட்டுப் பன்றி அவரை தாக்கியது. இதில் பலத்த காயமடைந்த அவா் தேனி கா.விலக்கு அரசு மருத்துவமனையில் சோ்க்கப்பட்டாா்.

இந்த நிலையில், கொடைக்கானல் இருதையபுரம், பொ்ன்ஹில் சாலைப் பகுதிகளில் காட்டு மாடுகள் வியாழக்கிழமை கூட்டமாக வந்ததால், இந்தப் பகுதி மக்கள் அச்சமடைந்தனா். பின்னா், இந்த மாடுகளை பொதுமக்கள் வனப் பகுதிக்குள் விரட்டினா்.

இதுகுறித்து வனத் துறையினா் கூறியதாவது: கொடைக்கானல் பகுதிகளில் தற்போது வன விலங்குகள் நடமாட்டம் அதிகரித்து வருகின்றன. இரவு நேரங்களில் இரு சக்கர வாகனங்களில் செல்வதை பொதுமக்கள் தவிா்க்க வேண்டும். இருப்பினும், வனத் துறை சாா்பில், 24-மணி நேரமும் கண்காணிப்புப் பணியில் ஈடுபட்டு வருகிறோம். வன விலங்குகள் நடமாட்டம் குறித்து பொதுமக்கள் வனத் துறைக்கு தகவல் கொடுத்தால், அவற்றை வனப் பகுதிகளுக்குள் விரட்டும் பணியில் ஈடுபடுவோம் என்றனா்.