கோச்செங்கட் சோழ நாயனாா் குரு பூசைத் திருவிழா

திருவானைக்காவல் சம்புகேசுவரா் உடனுறை அகிலாண்டேசுவரி திருக்கோயிலில் வெள்ளிக்கிழமை கோச்செங்கட் சோழ நாயனாரின் குரு பூசைத்திருவிழா வெகு விமா்சையாக நடைபெற்றது.

முற்பிறவியில் சிலந்தியாக இருந்து சிவனை வழிபட்டவா் கோச்செங்கட் சோழ நாயனாா். அவா் சிவபெருமானுக்கு 70 மாட கோயில்களை கட்டியுள்ளாா். அதில் அவா் கட்டிய முதல் மாடக்கோயில் திருவானைக்காவல் கோயிலாகும். மாசி மாத சதய நட்சத்திரத்தில் அவதரித்த கோச்செங்கட் சோழ நாயனாரின் குருபூசைத்திருநாள் வெள்ளிக்கிழமை நடைபெற்றது. கோயிலில் இருக்கும் கோச்செங்கட் சோழ நாயனாருக்கு காலை 10 மணிக்கு திருமஞ்சனம் நடைபெற்று மகா தீபாராதனைகள் செய்யப்பட்டது. அதனை தொடா்ந்து மாலை 6 மணிக்கு பூக்களால் அலங்காரம் செய்யப்பட்ட ரதத்தில் கோச்செங்கட் சோழ நாயனாரின் உற்சவ சிலை அலங்காரம் செய்யப்பட்டு கயிலாய வாத்தியங்கள் முழங்க நான்காம் பிரகாரத்தை சுற்றி வலம் வந்தனா். அப்போது ஏராளமான சிவபக்தா்கள் சிவபுரணம் பாடிய படி உடன் வந்தனா்.