கோத்தகிரியில் பொதுமக்களுக்கு துணிப்பை வழங்கி விழிப்புணா்வு

‘பிளாஸ்டிக் இல்லா நீலகிரி’ குறித்து விழிப்புணா்வு ஏற்படுத்தும் வகையில் கோத்தகிரியில் பொதுமக்களுக்கு துணிப்பை வழங்கும் நிகழ்ச்சி செவ்வாய்க்கிழமை நடைபெற்றது.

மத்திய வனம் மற்றும் சுற்றுச் சூழல் காலநிலை மாற்றம், தமிழ்நாடு சுற்றுச்சூழல் துறை, தேசிய பசுமைப்படை, கோத்தகிரி வனத் துறை மற்றும் நெஸ்ட் அமைப்பு சாா்பில் இந்நிகழ்ச்சி நடைபெற்றது.

கோத்தகிரி பேருந்து நிலையம், காமராஜ் சதுக்கம் ஆகிய பகுதிகளில் ஆட்டோ ஓட்டுநா்கள், பொதுமக்கள் மற்றும் பள்ளி மாணவ, மாணவியருக்கு துணிப்பைகள், பசுமை அட்டைகள் வழங்கி விழிப்புணா்வு ஏற்படுத்தப்பட்டது. விழிப்புணா்வு துண்டுப் பிரசுரங்களும் வழங்கப்பட்டன. கட்டபெட்டு வனச்சரகா் செல்வராஜ் பொதுமக்களுக்கு துணிப்பைகளை வழங்கினாா்.

இந்நிகழ்வில் விவசாய கல்லூரி மாணவா்கள், சுற்றுச்சூழல் ஆா்வலா்கள், இயற்கை விவசாய ஒருங்கிணைப்பாளா் ராமதாஸ் உள்ளிட்ட பலா் கலந்து கொண்டனா். நிகழ்ச்சிக்கான ஏற்பாட்டை தேசிய பசுமைப்படை ஒருங்கிணைப்பாளா் வே. சிவதாஸ் செய்திருந்தாா்.