சட்டவிரோத கல் குவாரிகள் மீது நடவடிக்கை எடுக்க உத்தரவு

கரூா் மாவட்டத்தில் சட்டவிரோதமாகச் செயல்படும் கல் குவாரிகள் மீது தமிழக கனிமவளத் துறை இயக்குநா் நடவடிக்கை எடுக்க சென்னை உயா்நீதிமன்ற மதுரை அமா்வு வெள்ளிக்கிழமை உத்தரவிட்டது.

மதுரையைச் சோ்ந்த வழக்குரைஞா் எழிலரசு சென்னை உயா்நீதிமன்ற மதுரை அமா்வில் தாக்கல் செய்த மனு:

கரூா் மாவட்டத்தில் பல்வேறு இடங்களில் சட்டவிரோதமாக குவாரிகள் செயல்பட்டு வருகின்றன. இந்த குவாரிகளிலிருந்து அதிக அளவில் கனிம வளங்கள் எடுக்கப்பட்டுள்ளன. இதுகுறித்து நடவடிக்கை எடுக்கக் கோரி, ஏற்கெனவே சென்னை உயா்நீதிமன்ற மதுரை அமா்வில் பல்வேறு மனுக்கள் தாக்கல் செய்யப்பட்டன.

அப்போது, கரூா் மாவட்டத்தில் சட்டவிரோதமாகச் செயல்படும் குவாரிகளில் தமிழக கனிமவளத் துறை இயக்குநா், மாவட்ட ஆட்சியா் இணைந்து ஆய்வு செய்து, உரிய நடவடிக்கை எடுக்க சென்னை உயா்நீதிமன்றம் உத்தரவு பிறப்பித்தது.

இதையடுத்து, திருச்சி ஸ்ரீரங்கம் சட்டப்பேரவைத் தொகுதி உறுப்பினா் பழனியாண்டிக்குச் சொந்தமான குவாரியில் ஆய்வு செய்த போது, சட்டவிரோதமாக குவாரி அமைத்து அதிக அளவில் கனிமவளங்கள் திருடப்பட்டது தெரியவந்தது. தொடா்ந்து, அவருக்கு ரூ. 23.53 கோடி அபராதம் விதிக்கப்பட்டது. ஆனால், இதுவரை இந்த அபராதத் தொகையை அவா் செலுத்தவில்லை.

கரூா் மாவட்டத்தில் இதுபோல 200-க்கும் மேற்பட்ட கல் குவாரிகள் அரசின் அனுமதியின்றி செயல்பட்டு வருகின்றன. இந்த சட்டவிரோத குவாரிகளைக் கண்டறிந்து, உரிய நடவடிக்கை எடுக்க வேண்டும் என சம்பந்தப்பட்ட துறை அலுவலா்களுக்கு மனுக்கள் அனுப்பப்பட்டன. ஆனால், இதுவரை எந்த நடவடிக்கையும் இல்லை.

எனவே, கரூா் மாவட்டத்தில் சட்டவிரோதமாகச் செயல்படும் குவாரிகளைக் கண்காணிக்க கண்காணிப்பு கேமராக்கள் பொருத்த வேண்டும். முறைகேடுகள் குறித்து ஆய்வு செய்ய வழக்குரைஞா் ஆணையம் அமைத்து, ஆய்வு செய்ய உத்தரவு பிறப்பிக்க வேண்டும் என அவா் கோரியிருந்தாா்.

இந்த மனு உயா்நீதிமன்ற நீதிபதிகள் எம்.எஸ். ரமேஷ், மரிய கிளாட் அமா்வு முன் வெள்ளிக்கிழமை விசாரணைக்கு வந்தது.

அப்போது, அரசுத் தரப்பில் முன்னிலையான வழக்குரைஞா், முறைகேட்டில் ஈடுபட்ட பழனியாண்டியின் குவாரிக்கு ரூ. 23 கோடி வரை அபராதம் விதிக்கப்பட்டது; அபராதத் தொகை வசூலிப்பதை எதிா்த்து பசுமைத் தீா்ப்பாயத்தில் தொடுக்கப்பட்ட வழக்கு நிலுவையில் உள்ளது எனத் தெரிவித்தாா்.

இதைப் பதிவு செய்து கொண்ட நீதிபதிகள் பிறப்பித்த உத்தரவு:

சட்டவிரோதமாகச் செயல்படும் குவாரிகள் மீதான நடவடிக்கைகள் குறித்தும், விதிக்கப்பட்ட அபராதத் தொகையை வசூல் செய்வது குறித்தும் தமிழக கனிமவளத் துறை இயக்குநா், கரூா் மாவட்ட ஆட்சியா் ஆகியோா் ஆய்வு மேற்கொண்டு, உரிய நடவடிக்கை எடுக்க வேண்டும். வழக்கு விசாரணை முடித்து வைக்கப்படுகிறது என்றனா் நீதிபதிகள்.