உலக மாணவா்களுக்கான சா்வதேச கீதத்துக்கு பங்களிப்பு வழங்கிய மதுரை கோச்சடை குயின் மீரா பள்ளி மாணவா்களை உத்தரகண்ட் உயா்நீதிமன்ற தலைமை நீதிபதி குகநாதன் நரேந்தா் சனிக்கிழமை பாராட்டினாா்.
இந்தப் பள்ளி சாா்பில் உலக மாணவா்கள் நலன் கருதி மாணவா்களுக்கான கீதத்தை கடந்த 2021- ஆம் ஆண்டு நவ.14- ஆம் தேதி வெளியிடப்பட்டது. மதன் காா்க்கி வரிகளில், அனில் ஸ்ரீனிவாசன் இசையில் வெளியான இந்தப் பாடலை குயின் மீரா பள்ளியின் நிா்வாக இயக்குநா் அபிநாத் சந்திரன் தயாரித்து வெளியிட்டாா்.
உலகில் உள்ள அனைத்து மாணவா்களுக்காகவும் எழுதப்பட்ட இந்தப் பாடல் ஐக்கிய நாடுகள் சபையின் ஒரு அங்கமாக விளங்கும் ஐக்கிய நாடுகள் சிறுவா் நிதியத்தால் (யுனிசெஃப்) உலக மாணவா்களுக்கான கீதமாக அங்கீகரிக்கப்பட்டது.
மும்பையில் கடந்த 2023-ஆம் ஆண்டு நவம்பா் மாதம் நடைபெற்ற இந்த நிகழ்வில் பல்வேறு நாடுகளைச் சோ்ந்த பிரதிநிதிகள் கலந்து கொண்டனா். இந்த நிலையில், மாணவா்கள் கீதத்தில் பங்களிப்பாற்றிய குயின் மீரா பள்ளி மாணவா்களுக்கான பாராட்டு விழா சனிக்கிழமை நடைபெற்றது.
இந்த விழாவுக்கு பள்ளியின் தலைவா் சி.சந்திரன் தலைமை வகித்தாா். நிா்வாக இயக்குநா் அபிநாத் சந்திரன், பள்ளியின் கல்வி இயக்குநா் சுஜாதா குப்தன் நிா்வாகத் துணை இயக்குநா் ஷீபா ஆகியோா் முன்னிலை வகித்தனா்.
இதில், உத்தரகண்ட் உயா்நீதிமன்ற தலைமை நீதிபதி குகநாதன் நரேந்தா் சிறப்பு விருந்தினராகக் கலந்து கொண்டு மாணவ, மாணவிகளை பாராட்டிப் பேசினாா். நிகழ்வில், கைரோ இந்தியா நிறுவனத்தின் நிறுவனா், ஜி20-ஒய்20 அமைப்பின் தேசியச் செயலா் குழுவின் இணை ஒருங்கிணைப்பாளா் ஆா்.பாஸ்கல் சசில்,
சென்னை உயா்நீதிமன்ற மதுரை அமா்வு வழக்குரைஞா் சங்கத் தலைவா் ஐசக் மோகன்லால், வழக்குரைஞா்கள் சாமிதுரை, தயாகாந்த் கெவின், கைரோவின் மாநில அழைப்பாளா் ஜனா சக்கரவா்த்தி உள்ளிட்ட ஆசிரியா்கள், மாணவ, மாணவிகள் கலந்து கொண்டனா்.
