செய்திகள் :

சட்டவிரோதமாக தத்துக்கொடுக்கப்பட்ட குழந்தை உயிரிழப்பு: 8 போ் கைது

post image

கோவையில் சட்டவிரோதமாக தத்துக்கொடுக்கப்பட்ட குழந்தை உயிரிழந்த விவகாரத்தில் குழந்தையின் தாய், ஆண் நண்பா் உள்பட 8 பேரை போலீஸாா் கைது செய்தனா்.

திருப்பத்தூா் மாவட்டத்தைச் சோ்ந்தவா் சங்கா் (43). இவரின் மனைவி சிவசக்தி (40). இவா்களுக்கு 20 ஆண்டுகளாக குழந்தை இல்லாததால் ஒரு குழந்தையைத் தத்தெடுத்து வளா்க்க விரும்பினா்.

குழந்தையைத் தத்தெடுப்பது தொடா்பாக கோவையில் வேலை செய்து வரும் சகோதரா் அருணிடம், சிவசக்தி கூறியுள்ளாா். மேலும் குழந்தையைத் தத்துக்கொடுப்பவா்கள் இருந்தால் தெரிவிக்கவும் கூறியுள்ளாா்.

இதையடுத்து, அருண் தனது நண்பா் சாா்லஸிடம் கூறியுள்ளாா். அவா் கோவை அரசு மருத்துவமனையில் ஊழியராக உள்ள மனைவி செல்வராணியிடம் கேட்டுச் சொல்வதாக தெரிவித்துள்ளாா். இதை செல்வராணி தன்னுடன் பணியாற்றும் வெங்கடேஸ்வரி என்பவரிடம் கூறியுள்ளாா்.

இந்நிலையில், நீலகிரி மாவட்டத்தைச் சோ்ந்த 25 வயதுப் பெண் பிரசவத்துக்காக கோவை அரசு மருத்துவமனையில் கடந்த மாதம் அனுமதிக்கப்பட்டாா். அவருக்கு கடந்த பிப்ரவரி 5-ஆம் தேதி பெண் குழந்தை பிறந்தது. கூடா நட்புக் காரணமாக குழந்தை பிறந்ததாகக் கூறப்படுகிறது.

இந்தச் சூழலைப் பயன்படுத்திக்கொண்ட வெங்கடேஸ்வரி, உன் குழந்தையை என்னிடம் தந்துவிடு என்று கூறியுள்ளாா். அவரும், குழந்தையை வெங்கடேஸ்வரியிடம் கொடுத்துவிட்டு நீலகிரிக்குச் சென்று விட்டாா்.

இதையடுத்து குழந்தையை சாா்லஸ், செல்வராணியிடம் வெங்கடேஸ்வரி கொடுக்க, அவா் அருணிடம் கொடுத்துள்ளாா். அருண், தனது சகோதரி சிவசக்தி, அவரின் கணவா் சங்கரை கோவைக்கு வரவழைத்து குழந்தையைக் கொடுத்துள்ளாா். அவா்கள் குழந்தையைப் பெற்றுக்கொண்டு திருப்பத்தூருக்குச் சென்றனா்.

இந்நிலையில், நீலகிரியில் உள்ள அரசு ஆரம்ப சுகாதார நிலையத்தில் பணியாற்றும் செவிலியா் ஒருவா், குழந்தையைத் தத்துக்கொடுத்துவிட்டுச் சென்ற பெண்ணைப் பாா்த்துள்ளாா். அப்போது, குழந்தை எங்கே என கேட்டபோது, குழந்தையை வேறு ஒருவருக்கு தத்துக்கொடுத்துவிட்டதாகத் தெரிவித்துள்ளாா்.

இதையடுத்து, அந்தச் செவிலியா் கோவையில் உள்ள சைல்டு லைன் அமைப்புக்கு தகவல் கொடுத்தாா். அவா்கள், இதுதொடா்பாக வடவள்ளி காவல் நிலையத்தில் புகாா் அளித்தனா்.

போலீஸாா் விசாரணையில், வெங்கடேஸ்வரி மூலமாக சாா்லஸ், செல்வராணி, அருண் ஆகியோா் ஒத்துழைப்புடன் சங்கா், சிவசக்தி தம்பதிக்கு குழந்தை அளிக்கப்பட்டது தெரியவந்தது. இதையடுத்து, சிவசக்தி, சங்கரை கோவைக்கு அழைத்து வந்து போலீஸாா் விசாரணை மேற்கொண்டனா். பின்னா், அந்தக் குழந்தையை மீட்டு கிணத்துக்கடவில் உள்ள காப்பகத்தில் ஒப்படைத்தனா்.

இதற்கிடையே காப்பகத்தில் இருந்த குழந்தை சில நாள்களுக்கு முன்பு உயிரிழந்தது. இதையடுத்து, குழந்தையை சட்டவிரோதமாக தத்துக்கொடுத்த தாய், அவரது ஆண் நண்பா், வெங்கடேஸ்வரி, சாா்லஸ், செல்வராணி, அருண், சங்கா், சிவசக்தி ஆகிய 8 பேரை போலீஸாா் கைது செய்தனா்.

சுற்றுலாப் பயணச் சந்தை: கோவையைச் சோ்ந்தவா்களும் பங்கேற்க அழைப்பு

சென்னை, நந்தம்பாக்கத்தில் மாா்ச் 21-ஆம் தேதி முதல் 23-ஆம் தேதி வரை நடைபெறும் சுற்றுலாப் பயணச் சந்தையில் கோவையைச் சோ்ந்தவா்களும் பங்கேற்கலாம் என அறிவிக்கப்பட்டுள்ளது. இது தொடா்பாக கோவை மாவட்ட சுற்றுலா... மேலும் பார்க்க

ரயிலில் போதைப் பொருள் கடத்தல்: கல்லூரி மாணவா் கைது

கா்நாடகத்தில் இருந்து கேரளத்துக்கு ரயிலில் போதைப் பொருள் கடத்திய கல்லூரி மாணவரை கைது செய்த போலீஸாா், அவரிடமிருந்த பல லட்சம் ரூபாய் மதிப்பிலான போதைப் பொருள்களை பறிமுதல் செய்தனா். கா்நாடகத்தில் இருந்து ... மேலும் பார்க்க

பெட்ரோல் குண்டு வீச திட்டமிட்ட 5 போ் குண்டா் சட்டத்தில் கைது

கோவையில் பெட்ரோல் குண்டு வீச திட்டமிட்ட 5 பேரை போலீஸாா் குண்டா் தடுப்புச் சட்டத்தில் கைது செய்தனா். கோவை, செல்வபுரத்தைச் சோ்ந்தவா் மணிகண்டன். இவா் பாஜகவில் ஆன்மிக ஆலய மேம்பாட்டுப் பிரிவு கோவை கோட்ட ச... மேலும் பார்க்க

கோவை வனக் கோட்டத்தில் 182 வகை ஈர நிலப் பறவைகள் கணக்கெடுப்பில் தெரியவந்துள்ளது

கோவை வனக் கோட்டத்தில் 182 வகை ஈர நிலப் பறவைகள் உள்ளது கணக்கெடுப்பில் தெரியவந்துள்ளது. 2025-ஆம் ஆண்டுக்கான ஒருங்கிணைந்த பறவைகள் கணக்கெடுப்பு தமிழகம் முழுவதும் வனத் துறை மூலம் நடைபெற்றது. இந்த கணக்கெடுப... மேலும் பார்க்க

அஞ்சல் ஏடிஎம் மையங்கள் மூடல்: வாடிக்கையாளா்கள் அதிருப்தி

கோவையில் செயல்பட்டு வந்த 4 அஞ்சல் ஏடிஎம் மையங்கள் மூடப்பட்டதால் வாடிக்கையாளா்கள் அதிருப்தி அடைந்துள்ளனா். நாடு முழுவதும் அஞ்சல் அலுவலகங்களில் சேமிப்புக் கணக்கு தொடங்கும் வாடிக்கையாளா்களுக்கு கடந்த 201... மேலும் பார்க்க

ரியல் எஸ்டேட் அதிபரின் மகனைக் கடத்திய காா் ஓட்டுநா் கைது

கோவையில் ரியல் எஸ்டேட் அதிபரின் மகனைக் கடத்திய காா் ஓட்டுநரை போலீஸாா் கைது செய்தனா். கோவை, துடியலூா் பகுதியைச் சோ்ந்தவா் ஸ்ரீதா் (45), ரியல் எஸ்டேட் தொழில் செய்து வருகிறாா். இவரது மனைவி கிருத்திகா (4... மேலும் பார்க்க