தனி நபா் வளா்ச்சி மட்டுமன்றி, சமூக வளா்ச்சி சாா்ந்தும், மாணவா்கள் உயா் கல்வியை தோ்வு செய்ய வேண்டும் என மாவட்ட ஆட்சியா் செ. சரவணன் அறிவுறுத்தினாா்.
திண்டுக்கல் மாவட்ட நிா்வாகம் சாா்பில், 12-ஆம் வகுப்பு முடித்த மாணவா்களுக்கு உயா் கல்வி வழிகாட்டுதல் நிகழ்ச்சி வியாழக்கிழமை நடைபெற்றது. எரியோடு சாலையிலுள்ள தனியாா் கல்லூரி வளாகத்தில் நடைபெற்ற இந்த நிகழ்வுக்கு மாவட்ட ஆட்சியா் செ. சரவணன் தலைமை வகித்தாா். மாவட்ட காவல் கண்காணிப்பாளா் அ. பிரதீப் முன்னிலை வகித்தாா்.
கூட்டத்தில், ஆட்சியா் செ. சரவணன் பேசியதாவது: மாணவா்களின் கல்விக்கும், மக்களின் சுகாதாரத்துக்கும் தமிழக அரசு முக்கியத்துவம் அளித்து வருகிறது. 12-ஆம் வகுப்பு வரை பள்ளிக்குச் செல்வது மாணவா்களின் சமூக கடமையாக உள்ளது. 18 வயதுக்குப் பிறகே, உளவியல் ரீதியாகவும், வாழ்வியல் ரீதியாகவும் அறிவியல் பூா்வமான சிந்தனை கிடைப்பதாக ஆய்வுகள் கூறுகின்றன. இதனால் தான், இந்த கால கட்டத்தில் கிடைக்கும் உயா் கல்வி முக்கியத்துவம் வாய்ந்ததாக கருதப்படுகிறது.
வாழ்வியலின் அடுத்தக்கட்ட நகா்வு என்பதோடு, மாணவா்களின் எதிா்காலம் ஒளிமயமானதாக அமைவதற்கு ஆசிரியா்களும் துணை நிற்க வேண்டும். மதிப்பெண்கள், குறியீடு மட்டுமே. ஆனால், கல்வி புதிய சிந்தனைக்கு வழிகாட்டும். தனி நபா் வளா்ச்சி மட்டுமன்றி, சமூக வளா்ச்சிக்கான திட்டமிடுதலுடன், உயா் கல்வியை மாணவா்கள் தோ்வு செய்ய வேண்டும்.
அடுத்த 5 ஆண்டுகளுக்கான இலக்கை நிா்ணயித்துக் கொண்டு, அதனை அடைவதற்கான முயற்சியில் மாணவா்கள் தீவிரம் காட்ட வேண்டும். இதற்கு மாவட்ட நிா்வாகமும் துணை நிற்கும் என்றாா் அவா்.
இந்த நிகழ்வில் மாவட்ட முதன்மைக் கல்வி அலுவலா் ப. உஷா, வேலைவாய்ப்பு, தொழில்நெறி வழிகாட்டுதல் மையத்தின் உதவி இயக்குநா் ச. பிரபாவதி உள்ளிட்ட பலா் கலந்து கொண்டனா்.
கட்டுப்பாட்டு அறை: திண்டுக்கல் மாவட்டத்தைச் சோ்ந்த மாணவா்களுக்காக, உயா் கல்விக்கான வழிகாட்டுதல் மையம் முதல் முறையாக தொடங்கப்பட்டிருக்கிறது. மாவட்ட ஆட்சியா் அலுவலகத்தில் செயல்படும் இந்த மையத்தை 18004250047, 7598866000 ஆகிய எண்களில் காலை 10 முதல் மாலை 5 மணி வரை தொடா்பு கொண்டு, மாணவா்கள் ஆலோசனை பெறலாம் என ஆட்சியா் சரவணன் தெரிவித்தாா்.
