சாத்தூர்: '7 வயது பேத்திக்கு பாலியல் தொல்லை அளித்த முதியவர்' - போக்சோவில் கைது

வழிபாடு நடத்துவதாக கூறி சிறுமிக்கு பாலியல் தொல்லை அளித்த முதியவரை சாத்தூர் மகளிர் போலீஸார் கைது செய்தனர். இதுகுறித்து போலீஸிடம் விசாரித்தோம். அப்போது நம்மிடம் பேசியவர்கள், "சாத்தூர் தாலுகாவுக்குட்பட்ட பகுதியைச் சேர்ந்தவர் பெஞ்சமின் (வயது 68), இவர், வீட்டில் வழிபாடு நடத்துவதற்காக அடிக்கடி அப்பகுதி சிறுவர் - சிறுமிகளை வீட்டிற்கு அழைத்துச் செல்வது வழக்கம் எனக் கூறப்படுகிறது. இந்த நிலையில் சம்பவத்தன்று வழிபாடு நடத்துவதாக கூறி அப்பகுதியில் விளையாடிக் கொண்டிருந்த 7 வயது சிறுமியை வீட்டிற்கு அழைத்துச் சென்றுள்ளார். தொடர்ந்து சிறுமிக்கு பாலியல் ரீதியாக தொல்லை அளித்ததுடன், அவரை சிறார் வதை செய்ய முயன்றிருக்கிறார்.

இதற்கிடையில் விளையாடிக் கொண்டிருந்த சிறுமியை தேடி ஆட்கள் வரவும், முதியவர் பெஞ்சமின் தனது பிடியிலிருந்து சிறுமியை விடுவித்துள்ளார். தொடர்ந்து இங்கு நடந்ததை யாரிடமும் சொல்லக்கூடாது எனக்கூறி சிறுமியை மிரட்டி அனுப்பி வைத்துள்ளார். இந்நிலையில் வீட்டிற்கு வந்த சிறுமி சோகமாக இருந்ததை அறிந்து உறவினர்கள், அவரிடம் விசாரணை நடத்தினர். அப்போது முதியவர் பெஞ்சமின், தனக்கு பாலியல் தொல்லை அளித்தது குறித்து சிறுமி வீட்டில் உள்ளவர்களிடம் தெரிவித்துள்ளார். தொடர்ந்து இதுகுறித்து சிறுமியின் பெற்றோர் சாத்தூர் அனைத்து மகளிர் காவல் நிலையத்தில் புகார் அளித்தனர். அதன்பேரில் போலீஸார் வழக்குப்பதிவு செய்து விசாரணை நடத்தி முதியவர் பெஞ்சமினை கைது செய்து சிறையில் அடைத்தனர்.‌ கைது செய்யப்பட்ட பெஞ்சமின், ஒரு வகையில் சிறுமிக்கு தாத்தா உறவுமுறை உடையவர் எனக் கூறப்படுகிறது மேலும் அதிர்ச்சியடைய வைப்பதாக இருந்தது" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://bit.ly/3PaAEiY

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3PaAEiY