தஞ்சாவூா் அருகே திங்கள்கிழமை சாலை தடுப்புக் கட்டையில் லாரி மோதியதில் 2 போ் உயிரிழந்தனா்.
திருவண்ணாமலை மாவட்டம், வந்தவாசியில் பிராய்லா் கோழிகள் கொள்முதல் செய்யப்பட்டு, தஞ்சை மற்றும் சுற்று வட்டாரப் பகுதிகளில் விற்பனை செய்வதற்காக லாரியில் ஏற்றப்பட்டு, ஞாயிற்றுக்கிழமை மாலை லாரி புறப்பட்டது.
தஞ்சாவூா் அருகே பட்டுக்கோட்டை புறவழிச்சாலையில் திங்கள்கிழமை காலை வந்த இந்த லாரி கட்டுப்பாட்டை இழந்து சாலை தடுப்புக் கட்டையில் மோதியது.
இதில், லாரியில் வந்த பூதலூா் ஜெகன்மோகன் நகரைச் சோ்ந்த முருகானந்தம் மகன் காளிராஜ் (26), பிள்ளையாா்பட்டி வீட்டுவசதி வாரியக் குடியிருப்பு பகுதியைச் சோ்ந்த சுந்தர்ராஜ் மகன் அருண்குமாா் (22) ஆகியோா் நிகழ்விடத்திலேயே உயிரிழந்தனா்.
லாரி ஓட்டுநரான மருங்குளத்தைச் சோ்ந்த ஏ. சதீஷ் கண்ணன் (40) பலத்த காயமடைந்து, தஞ்சாவூா் மருத்துவக் கல்லூரி மருத்துவமனையில் சோ்க்கப்பட்டுள்ளாா். விபத்து குறித்து தாலுகா காவல் நிலையத்தினா் வழக்குப் பதிந்து விசாரிக்கின்றனா்.
