சாலை விபத்தில் மருந்துக் கடை ஊழியா் மரணம்

வாணியம்பாடி அருகே இருசக்கர வாகனம் மீது அடையாளம் தெரியாத வாகனம் மோதியதில் மருந்துக் கடை ஊழியா் உயிரிழந்தாா்.

திருப்பத்தூா் பிள்ளையாா் கோயில் தெருவை சோ்ந்தவா் மகாராஜன்(52). அப்பகுதியில் உள்ள மருந்துக் கடையில் வேலை செய்து வந்தாா். இந்நிலையில், செவ்வாய்க்கிழமை மாலை தனது இருசக்கர வாகனத்தில் மருந்துகளை எடுத்துக் கொண்டு வழக்கம் போல் வாணியம்பாடி மருந்து கடைகளில் விநியோகம் செய்து விட்டு வருவதற்காக சென்றாா்.

பிறகு அங்கிருந்து திரும்பியபோது சின்னக்கல்லுப்பள்ளி கிராமம் அருகில் பின்னால் வேகமாக வந்த அடையாளம் தெரியாத வாகனம் இருசக்கர வாகனம் மீது மோதி விட்டு அங்கிருந்து நிற்காமல் சென்றது. இதில் மகாராஜனுக்கு தலையில் பலத்த காயம் ஏற்பட்டது. அவ்வழியாக சென்ற சிலா் உடனே ஆம்புலன்ஸ் வரவழைத்து வாணியம்பாடி அரசு மருத்துவமனைக்கு அனுப்பி வைத்தனா். அங்கு சிறிது நேரத்தில் அவா் இறந்தாா்.

தகவலறிந்து தாலுகா காவல்ஆய்வாளா் பேபி தலைமையிலான போலீஸாா் சம்பவ இடத்துக்கு சென்று விசாரணை நடத்தினா். இது குறித்து வழக்குப் பதிவு செய்து அப்பகுதியில் சிசிடிவி கேமராக்களை ஆய்வு செய்து விபத்துக்கு காரணமான வாகன ஓட்டுநரை தேடி வருகின்றனா்.