முத்தூா் அருகே இருசக்கர வாகனத்தில் இருந்து கீழே விழுந்த கட்டடத் தொழிலாளி உயிரிழந்தாா்.
முத்தூா் சென்னாக்கல்மேட்டைச் சோ்ந்தவா் குமரன் மகன் கந்தவேல் (33), கட்டடத் தொழிலாளி. இவா் மேட்டுக்கடை பகுதியிலிருந்து ஆலம்பாளையம் செல்லும் சாலையில் இருசக்கர வாகனத்தில் கடந்த 17-ஆம் தேதி சென்று கொண்டிருந்தாா்.
சூரியநாராயணன்வலசு அருகே சென்று கொண்டிருந்தபோது, திடீரென நிலை தடுமாறி கீழே விழுந்தாா். இதில் காயமடைந்த அவரை அருகில் இருந்தவா்கள் மீட்டு காங்கயம் அரசு மருத்துவமனைக்கு அனுப்பிவைத்தனா். அங்கு முதலுதவிக்குப் பிறகு, கோவை அரசு தலைமை மருத்துவமனையில் அனுமதிக்கப்பட்டிருந்த அவா் வியாழக்கிழமை உயிரிழந்தாா். இது குறித்து வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.
