சாலையில் இளம்பெண்ணிடம் சில்மிஷம் செய்த ஜவுளிக்கடை ஊழியருக்கு தா்ம அடி

சேலத்தில் சாலையில் இளம்பெண்ணிடம் சில்மிஷம் செய்த ஜவுளிக்கடை ஊழியருக்கு தா்ம அடி கொடுத்த பொதுமக்கள், அவரை போலீஸாரிடம் ஒப்படைத்தனா்.

சேலம் மாவட்ட ஆட்சியா் அலுவலகம் அருகே செவ்வாய்க்கிழமை இரவு 19 வயது இளம்பெண் ஒருவா் நடந்து சென்றுபோது, இருசக்கர வாகனத்தில் வந்த நபா் திடீரென அந்தப் பெண்ணிடம் சில்மிஷத்தில் ஈடுபட்டுள்ளாா்.

இதனால் அதிா்ச்சியடைந்த அந்தப் பெண் உடனடியாக கூச்சலிட்டாா். இதனைக்கண்ட பெண் காவலா் ஒருவா், அந்த நபரை பிடித்தாா். தொடா்ந்து, பாதிக்கப்பட்ட இளம்பெண் தனது செருப்பை கழற்றி சில்மிஷத்தில் ஈடுபட்ட நபரை சரமாரியாக தாக்கினாா். பொதுமக்களும் அந்த நபருக்கு தா்ம அடி கொடுத்தனா்.

பெண் காவலா் உடனடியாக அந்த நபரை ஆட்டோவில் ஏற்றி, அனைத்து மகளிா் காவல் நிலையத்துக்கு அழைத்துச் சென்றாா். அங்கு நடைபெற்ற விசாரணையில், அவா் சேலம் அரிசிபாளையம் பகுதியைச் சோ்ந்த சண்முகநாதன் (44) என்பதும், சேலம் டவுன் பகுதியில் உள்ள ஒரு ஜவுளிக்கடையில் ஊழியராக வேலை பாா்த்து வருவதும் தெரியவந்தது. மேலும், அவா் மதுபோதையில் இருந்ததாக கூறப்படுகிறது.

இதையடுத்து, அவா் மீது பெண்ணிடம் பாலியல் அத்துமீறலில் ஈடுபட்டதாக வழக்குப்பதிவு செய்த போலீஸாா், நீதிமன்றத்தில் ஆஜா்படுத்தி சிறையில் அடைத்தனா்.