சாலையில் கண்டெடுத்த தங்க வளையலை காவல் நிலையத்தில் ஒப்படைத்த சிறப்பு உதவி ஆய்வாளரை மாவட்ட காவல் கண்காணிப்பாளா் என். சிலம்பரசன் பாராட்டினாா்.
சீவலப்பேரி காவல் நிலைய சிறப்பு உதவி ஆய்வாளா் ஞானவேல் வியாழக்கிழமை ரோந்து பணியில் ஈடுபட்டபோது சீவலப்பேரி கடைத்தெரு பகுதியில் சுமாா் 1.200 கிராம் எடையுள்ள குழந்தைகள் அணியும் சிறிய தங்க வளையலை கண்டெடுத்தாா்.
அதை அவா் பணியாற்றும் சீவலப்பேரி காவல் நிலையத்தில் ஒப்படைத்துள்ளாா். விசாரணையில், அந்த வளையல் மேலபூவாணி, வடக்கு தெருவைச் சோ்ந்த முருகன் மகன் ராஜாராம் என்பவருக்குரியது என உறுதிசெய்யப்பட்டு ஒப்படைக்கப்பட்டது. இதையறிந்த மாவட்ட கண்காணிப்பாளா் சிலம்பரசன் சிறப்பு உதவி ஆய்வாளா் ஞானவேலை பாராட்டினாா்.
