சாலையில் காரை நிறுத்தி போக்குவரத்துக்கு இடையூறு: இசையமைப்பாளா் அனிருத்துக்கு அபராதம்

குரோம்பேட்டை ஜி.எஸ்.டி. சாலையில் போக்குவரத்துக்கு இடையூறாக காரை நிறுத்திய திரைப்பட இசையமைப்பாளா் அனிருத்துக்கு போக்குவரத்து போலீஸாா் ரூ.1,000 அபராதம் விதித்தனா்.

தாம்பரம் பேருந்து நிலையம், ரயில் நிலையம், ஜி.எஸ்.டி. சாலை உள்ளிட்ட முக்கிய இடங்களில் வழக்கமாகவே போக்குவரத்து நெரிசல் அதிகமாக இருக்கும். இதனால் வாகன நெரிசலைக் குறைக்க போக்குவரத்து போலீஸாா் பல்வேறு நடவடிக்கைகளை மேற்கொண்டு வருகின்றனா்.

இந்நிலையில், கடந்த வியாழக்கிழமை வெளியான அஜித் நடித்த ‘விடாமுயற்சி’ திரைப்படத்தைக் காண குரோம்பேட்டை ஜிஎஸ்டி சாலையிலுள்ள திரையரங்கில் ஏராளமான ரசிகா்கள் கூடினா். திரைப்படத்தை பாா்க்க, படத்தின் இசையமைப்பாளா் அனிருத்தும் வந்திருந்தாா். அனிருத் உள்பட ரசிகா்கள் ஏராளமானோா் தங்கள் வாகனங்களை சாலையிலேயே விட்டுச் சென்ால், ஜிஎஸ்டி சாலையில் கடும் போக்குவரத்து நெரிசல் ஏற்பட்டது.

இதையடுத்து அங்கு வந்த போக்குவரத்து ஆய்வாளா் செல்லபாண்டியன் மற்றும் காவலா்கள், அங்கு போக்குவரத்துக்கு இடையூறாக நிறுத்தப்பட்டிருந்த அனிருத்தின் காா் உள்பட 10-க்கும் மேற்பட்ட வாகனங்களுக்கு தலா ரூ.1,000 அபராதம் விதித்தனா். இதையடுத்து இசையமைப்பாளா் அனிருத் அபராதத்தொகையை செலுத்திவிட்டு காரை எடுத்துச் சென்றாா்.