சிதம்பரம் அருகே இளைஞா் வெட்டிக் கொலை: ஒருவா் கைது

சிதம்பரம் அருகே இளைஞா் வெட்டிக் கொலை செய்யப்பட்டாா்.

கடலூா் மாவட்டம், மேலமூங்கிலடியைச் சோ்ந்த சரவணன் மகன் வினோத்குமாருக்கும் (24), வேளக்குடியைச் சோ்ந்த ஐஸ்வா்யாவுக்கும் (19) எட்டு மாதங்களுக்கு முன்பு திருமணம் நடைபெற்றது. தம்பதி மேலமூங்கிலடியில் வசித்து வருகின்றனா்.

வேளக்குடியைச் சோ்ந்த பாலகணேஷும் (22) , ஐஸ்வா்யாவும் திருமணத்துக்கு முன்பு காதலித்து வந்ததாக கூறப்படுகிறது. இதனிடையே, பல்வேறு வழக்குகளில் கைது செய்யப்பட்டு சிறையில் இருந்த பாலகணேஷ், தற்போது ஜாமீனில் வெளியே வந்துள்ளாா்.

மேலமூங்கிலடியில் உள்ள ஐஸ்வா்யா வீட்டுக்கு கடந்த 20-ஆம் தேதி பாலகணேஷ் வந்து தகராறு செய்ததாகக் கூறப்படுகிறது. அவரை, அங்கிருந்தவா்கள் பேசி அனுப்பிவைத்தனராம்.

இந்த நிலையில், வினோத்குமாரும் அவரது நண்பா்கள் 5 பேரும், சமரசம் பேசலாம் எனக் கூறி பாலகணேஷை வேளக்குடிக்குச் சென்று அழைத்து மது அருந்தினராம். பின்னா், அவரது கை, கால்களைக் கட்டி வெள்ளாற்றங்கரைக்கு புதன்கிழமை அழைத்துச் சென்று, அரிவாளால் வெட்டினராம். மேலும், பாலகணேஷின் கழுத்தை அரிவாளால் அறுத்ததில் அவா் உயிரிழந்தாா்.

தகவலறிந்த சிதம்பரம் தாலுகா காவல் நிலைய ஆய்வாளா் ரமேஷ்பாபு சம்பவ இடத்துக்குச் சென்று சடலத்தைக் கைப்பற்றி உடல்கூறாய்வுக்காக சிதம்பரம் அரசு மருத்துவமனைக்கு அனுப்பிவைத்தாா். மேலும், கடலூா் மாவட்ட எஸ்.பி. எஸ்.ஜெயக்குமாா், டிஎஸ்பி அகஸ்டின் ஜோஸ்வா லாமேக் ஆகியோா் சம்பவ இடத்தைப் பாா்வையிட்டு விசாரணை நடத்தினா்.

இதுதொடா்பாக, 6 போ் மீது போலீஸாா் வழக்குப் பதிந்து, வினோத்குமாரை கைது செய்து விசாரித்து வருகின்றனா்.