செய்திகள் :

’சின்னப்பாப்பா பெரிய பாப்பா’ இயக்குநர் எஸ்.என்.சக்திவேல் காலமானார்; டி.வி, சினிமா பிரபலங்கள் அஞ்சலி

post image

`வசனங்கள்’ மூலம் சினிமாவில் நுழைந்து நடிகர், இயக்குநர் என உயர்ந்து `சின்னப்பாப்பா பெரிய பாப்பா’, `பட்ஜெட் குடும்பம்’ முதலான தொடர்களை இயக்கிய எஸ்.என்.சக்திவேல் உடல்நலக் குறைவால் இன்று அதிகாலை காலமானார். அவருக்கு வயது 61.

வடசென்னையைப் பூர்வீகமாகக் கொண்ட சக்திவேல் வசனம் மூலம் சினிமாவில் நுழைந்தார். ‘கோல்மால்’ உள்ளிட்ட சில படங்களுக்கு வசனம் எழுதினார். ’இவனுக்கு தண்ணியில கண்டம்’ படத்தை இயக்கினார்.

பிறகு சின்னத்திரைப் பக்கம் வந்தார். அங்கு இவர் இயக்கிய சின்னப்பாப்பா பெரிய பாப்பா பெரிய ஹிட் ஆனது. இந்த நிகழ்ச்சி இரண்டு சீசன் ஒளிபரப்பானது. தொடர்ந்து விகடன், ராடான் முதலான நிறுவனங்களுக்கு சில சீரியல் இயக்கினார்.

எஸ்.என்.சக்திவேல்

இன்னொருபுறம் திரைப்படங்களிலும் சின்னச் சின்னக் கேரக்டர்களில் நடித்து வந்தார். நாடோடிகள் உள்ளிட்ட சில படங்களை உதாரணமாகச் சொல்லலாம்.

தமிழ் தாண்டி தெலுங்கு தொலைக்காட்சி ஏரியாவிலும் இயங்கி வந்தார். `காஸ்ட்லி அல்லுடு’ அங்கு இவர் இயக்கிய ஹிட் ஆன தொடர்.

சின்ன பாப்பா பெரிய பாப்பா

கடைசியாக தூர்தர்ஷனுக்கு விகடன் தயாரித்த பட்ஜெட் குடும்பம் தொடரை இயக்கினார். சில மாதங்களுக்கு முன் அந்த தொடர் முடிவடைய அடுத்த புராஜெக்டுக்குத் தயாராகி வந்ததாகத் தெரிகிறது.

இந்நிலையில் கடந்த சில மாதங்களாகவே சிறுநீரகப் பிரச்னைகளால் அவதிப்பட்டு வந்தவர், அதற்கான சிகிச்சையும் எடுத்து வந்தாராம். சில தினங்களுக்கு முன் மருத்துவமனையில் அட்மிட் ஆகி சிகிச்சை எடுத்திருக்கிறார். சிகிச்சை முடிந்து இரு தினங்களுக்கு முன்புதான் வீடு திரும்பினாராம். ஆனாலும் இன்று காலை மீண்டும் உடல் நிலை மோசமாகி உயிர் பிரிந்திருக்கிறது

இவனுக்கு தண்ணில கண்டம் டீஸர்

இவரது மனைவி பெயர் இந்திரா. துர்கா, வர்ஷினி என இரண்டு பெண் குழந்தைகள் இருக்கிறார்கள். பிள்ளைகள் இருவருக்கும் இன்னும் திருமணம் ஆகவில்லை.

சென்னை பாடியில் வைக்கப்பட்டிருக்கும் இவரது உடலுக்கு சினிமா, சின்னத்திரை பிரமுகர்கள் அஞ்சலி செலுத்தி வருகின்றனர். இன்று மாலை இவரது உடல் அடக்கம் செய்யப்படுகிறது.

``இந்த அளவுக்கு நான் வர்றதுக்கு காரணம் அவர்தான்'' - மறைந்த S.N சக்திவேல் குறித்து M.S பாஸ்கர்

'சின்ன பாப்பா பெரிய பாப்பா’ தொடரின் இயக்குநர் S.N சக்திவேல் மறைவுக்கு, நாதழுதழுக்க நடிகர் M.S பாஸ்கர் இரங்கல் தெரிவித்திருக்கிறார். அவர் வெளியிட்டிருக்கும் வீடியோவில், "எஸ்.என் சக்திவேல் சார் வாழ்க்கை... மேலும் பார்க்க

Vaishnavi: ``அது உங்கள் பொறாமையை தெளிவாக வெளிப்படுத்துகிறது!'' - வைஷ்ணவி காட்டம்!

'சிறகடிக்க ஆசை' தொடரின் மூலம் சின்னத்திரையில் தனக்கென ஒரு இடத்தைப் பெற்றவர் வெற்றி வசந்த்.அவருக்கும், 'பொன்னி' தொடரில் கதாநாயகியாக நடித்த நடிகை வைஷ்ணவிக்கும், கடந்த ஆண்டு திருமணம் நடைபெற்றது. Vetri Va... மேலும் பார்க்க

`துரதிஷ்டவசமாக நான் அவனை நம்பினேன். ஆனால்!' திருமணம் குறித்த வதந்திக்கு முற்றுப்புள்ளி வைத்த ஸ்வேதா

விஜய் டிவியில் ஒளிபரப்பாகிக் கொண்டிருக்கும் தொடர்̀சின்ன மருமகள்'. இந்தத் தொடரில் கதாநாயகியாக நடித்துக் கொண்டிருப்பவர் ஸ்வேதா. தனியார் யூடியூப் சேனல் ஒன்றில் ஆதி என்பவர் சமீபத்தில் பேட்டி ஒன்று கொடுத்த... மேலும் பார்க்க

டிவி நடிகர் சங்க தேர்தல்: "'காசு வாங்கிட்டு வேலை செய்ற'னு ஒருமையில் பேசினாங்க" - உமாசங்கர் வேதனை

ஆகஸ்ட் 10ம் தேதி நடந்த சின்னத்திரை நடிகர் சங்க தேர்தல் தனக்கு நிறையக் கசப்பான அனுபவங்களைத் தந்ததாகவும் தேர்தல் வேலைகளில் ஈடுபட்ட நாள்களில் அமைதி இழந்து தூக்கம் தொலைந்ததாகவும் குமுறியுள்ளார், தேர்தலை ந... மேலும் பார்க்க