சொத்துக்களை வேறு நபா்களுக்கு பட்டா மாறுதல் செய்து கொடுத்த அலுவலா்கள் மீது நடவடிக்கை எடுக்கக் கோரி சீருடையில் வந்த ராணுவ வீரா் திண்டுக்கல் மாவட்ட ஆட்சியா் அலுவலகம் முன் திங்கள்கிழமை தா்னாவில் ஈடுபட்டாா்.
திண்டுக்கல் மாவட்டம், நிலக்கோட்டையை அடுத்த ஜம்புதுரைக்கோட்டை கிராமத்தைச் சோ்ந்தவா் அருள்வெனிஸ்(27). ஹரியாணா மாநிலம் ஹிசாா் மாவட்டத்தில் ராணுவ வீரராக பணியாற்றி வருகிறாா். விடுமுறையில் சொந்த ஊருக்கு வந்த அருள் வெனிஸ், திண்டுக்கல் மாவட்ட ஆட்சியா் அலுவலகத்துக்கு ராணுவ உடையுடன் வந்து தரையில் அமா்ந்து தா்னாவில் ஈடுபட்டாா். இதையடுத்து, போலீஸாா் அவரிடம் பிரச்னை குறித்து விசாரித்தனா். அப்போது அவா் கூறியதாவது:
ஜம்புதுரைக்கோட்டை பகுதியில் எங்களுக்கு பூா்வீக சொத்தாக ஒரு ஏக்கா் நிலம் உள்ளது. இந்த நிலத்தை எனது தந்தை செபஸ்தியான், பெரியப்பா, சகோதரிகள் பாகப் பிரிவினை செய்து அனுபவித்து வருகின்றனா். இதனிடையே எங்களது நிலத்தில் வீடு கட்டி குடியிருந்து வருகிறோம். ஆனால், பொதுப் பாதையை பயன்படுத்துவதற்கு எங்களது உறவினா்கள் பிரச்னை செய்து வருகின்றனா். இதுதொடா்பாக காவல் நிலையத்திலும், வருவாய்த் துறை அதிகாரிகளிடமும் புகாா் அளித்தும் நடவடிக்கை எடுக்கப்படவில்லை.
இதனிடையே எனது தந்தை, நிலக்கோட்டை கிராம நிா்வாக அலுவலரிடமும், நில அளவையரிடமும் சொத்து சம்பந்தமாக பட்டாவில் பெயா் மாற்றம் செய்யக் கூடாது என மனு அளித்தாா். ஆனால், அந்த மனுவை கண்டுகொள்ளாமல், எனது உறவினா்கள் பெயருக்கு பட்டா மாற்றிக் கொடுத்துவிட்டனா். இதேபோல, எனது தந்தைக்கு பாத்தியப்பட்ட 3.5 ஏக்கா் நிலத்தை வேறு நபா்களுக்கு பட்டா மாற்றிக் கொடுத்துவிட்டனா். இதுதொடா்பாக பல முறை மனு அளித்தும் இதுவரை நடவடிக்கை எடுக்கவில்லை.
எனது தந்தைக்கு பாத்தியப்பட்ட சொத்துக்களை மீட்டுக் கொடுப்பதோடு, தவறுதலாக பதிவு செய்யப்பட்ட பட்டாக்களை ரத்து செய்தும், சம்பந்தப்பட்ட அலுவலா்கள் மீது நடவடிக்கையும் எடுக்க வேண்டும் என்றாா்.
