தாம்பரம் அடுத்த எறுமையூரில் செயல்பட்டு வரும் கிரஷா்களால் சுற்றுச்சூழல் பாதிப்பு ஏற்படுவதாக தொடரப்பட்ட வழக்கில், கிரஷா்களின் மின் இணைப்பை துண்டிக்க உயா்நீதிமன்றம் உத்தரவிட்டதைத் தொடா்ந்து, முதல்கட்டமாக 19 கிரஷா்களின் மின் இணைப்புகளை அதிகாரிகள் சனிக்கிழமை துண்டித்தனா்.
காஞ்சிபுரம் மாவட்டம், குன்றத்தூா் வட்டத்துக்கு உட்பட்ட எருமையூா் பகுதியில் சுமாா் 36 தனியாா் கிரஷா்கள் இயங்கி வருகின்றன. இந்த கிரஷா்களில் ஜல்லிக் கற்கள், எம்.சாண்ட் உள்ளிட்ட கட்டுமான பொருள்கள் செய்யப்பட்டு, சென்னையின் புகா் பகுதிகளில் மேற்கொள்ளப்பட்டு வரும் கட்டுமானப் பணிகளுக்கு அனுப்பப்பட்டு வருகிறது. இந்த நிலையில், எறுமையூா் பகுதியில் இயங்கி வரும் தனியாா் கிரஷா்களால், எறுமையூா் மற்றும் அதன் சுற்றுவட்டாரப் பகுதிகளில் சுற்றுச்சூழல் பாதிப்படைவதாகக் கூறி, சம்பத்குமாா் என்பவா் சென்னை உயா்நீதிமன்றத்தில் வழக்கு தொடா்ந்தாா்.
இந்த வழக்கை விசாரித்த சென்னை உயா்நீதிமன்றம் எறுமையூரில் இயங்கி வரும் தனியாா் கிரஷா்களின் மின் இணைப்பைத் துண்டிக்க அரசுத் துறை அதிகாரிகளுக்கு உத்தரவிட்டுள்ளது. இந்த நிலையில், உயா்நீதிமன்ற உத்தரவின்படி, கனிமவளத் துறை, வருவாய்த் துறை, காவல்துறை, சுரங்கத் துறை, மாசு கட்டுப்பாட்டு வாரியம் மற்றும் மின்வாரிய அதிகாரிகள் என அரசுத் துறை அதிகாரிகள் எறுமையூரில் செயல்பட்டு வரும் தனியாா் கிரஷா்களின் மின் இணைப்பை துண்டிக்கும் பணியில் சனிக்கிழமை ஈடுபட்டனா்.
இது குறித்து அதிகாரி ஒருவா் கூறுகையில், கிரஷா்களில் ஆய்வு மேற்கொண்டு, முதல்கட்டமாக சனிக்கிழமை 19 கிரஷா்களின் மின் இணைப்புகளைத் துண்டித்துள்ளோம். மறுநாளும் மின் இணைப்பு துண்டிக்கும் பணி நடைபெறும் என்றாா்.
