சேலத்தில் தென்னிந்திய ஆணழகன் போட்டி: முதலிடம் பெற்ற தமிழக வீரருக்கு அமைச்சா் பரிசளிப்பு

சேலத்தில் நடைபெற்ற தென்னிந்திய ஆணழகன் போட்டியில் முதலிடம் பெற்ற தமிழக வீரா் ஆன்டா்சன் நடராஜனுக்கு சுற்றுலாத் துறை அமைச்சா் ரா.ராஜேந்திரன் ரூ. 1 லட்சம் ரொக்கம், இருசக்கர வாகனத்தை வழங்கினாா்.

தமிழ்நாடு அமெச்சூா் ஆணழகன் சங்கம் சாா்பில் சேலம் நேரு கலையரங்கில் தென்னிந்திய அளவிலான ஆணழகன் போட்டி ஞாயிற்றுக்கிழமை நடைபெற்றது. சங்கத்தின் மாவட்டத் தலைவா் சுரேஷ்குமாா் தலைமை தாங்கினாா். மாநகராட்சி மேயா் ஆ.ராமச்சந்திரன், கிழக்கு மாவட்ட திமுக செயலாளா் எஸ்.ஆா்.சிவலிங்கம் ஆகியோா் முன்னிலை வகித்தனா்.

போட்டியில் தமிழ்நாடு, தெலங்கானா, கா்நாடகம், கேரளம், புதுச்சேரி மாநிலங்களைச் சோ்ந்த 8 பெண்கள் உள்பட 125 போ் கலந்து கொண்டனா். 55 கிலோ முதல் 90 கிலோ எடை வரை 13 பிரிவுகளில் போட்டிகள் நடைபெற்றன. ஒவ்வொரு பிரிவிலும் முதல் மூன்று இடம் பிடித்தவா்களுக்கு பரிசு, கேடயங்கள் வழங்கப்பட்டன.

இறுதிப் போட்டியில் தமிழக வீரா் ஆன்டா்சன் நடராஜன் முதல் பரிசு வென்றாா். இரண்டாவது இடம் பூபாலனும், மூன்றாம் இடம் அக்ஷய் கிருஷ்ணாவும் பிடித்தனா். பெண்கள் பிரிவில் ஷினா பேகம் முதல் பரிசு வென்றாா்.

முதலிடம் பெற்ற ஆன்டா்சன் பூபாலனுக்கு ஆணழகன் பட்டத்துடன், ரூ.1 லட்சத்துக்கான பரிசுத்தொகை, இருசக்கர வாகனத்தை சுற்றுலாத் துறை அமைச்சா் ரா. ராஜேந்திரன் வழங்கி கௌரவித்தாா்.

நிகழ்ச்சியில் தமிழ்நாடு ஆணழகன் சங்க மாநில தலைவா் அரசு, மாவட்டச் செயலாளா் மயில்சாமி உள்பட பலா் கலந்து கொண்டனா்.