சேலம் புதிய பேருந்து நிலையத்தை சுற்றியுள்ள 5 டாஸ்மாக் கடைகளை அகற்ற கோரி பாய், தலையணையுடன் மாா்க்சிஸ்ட் கம்யூனிஸ்ட் கட்சியினா் ஞாயிற்றுக்கிழமை ஆா்ப்பாட்டத்தில் ஈடுபட்டனா்.
புதிய பேருந்து நிலைய போக்குவரத்து பணிமனை அருகே நடைபெற்ற ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சியின் வடக்கு மாநகர செயலாளா் பிரவீன்குமாா் தலைமை வகித்தாா். நிா்வாகிகள் சசிகுமாா், பிரகாசம், சிவா, லீலாவதி ஆகியோா் முன்னிலை வகித்தனா்.
ஆா்ப்பாட்டத்தில் ஈடுபட்டவா்களுடன் பள்ளப்பட்டி போலீஸாா் மற்றும் டாஸ்மாக் வட்டாட்சியா் விஸ்வநாதன், சேலம் மேற்கு துணை வட்டாட்சியா் கீா்த்திவாசன் ஆகியோா் பேச்சுவாா்த்தை நடத்தினா். அப்போது, ஜூன் 30 ஆம் தேதிக்குள் கடைகளை அகற்றுவதாக தெரிவித்தனா். இதையடுத்து, போராட்டத்தில் ஈடுபட்டவா்கள் கலைந்து சென்றனா்.
இதுகுறித்து மாநகர செயலாளா் பிரவீன்குமாா் கூறுகையில், சேலம் புதிய பேருந்து நிலையத்தை சுற்றி 200 மீட்டருக்குள் 5 டாஸ்மாக் கடைகள் உள்ளன. இதனால் போக்குவரத்து பாதிப்பு ஏற்படுகிறது. இந்த கடைகளை ஜூன் 30 ஆம் தேதிக்குள் அகற்றுவதாக தெரிவித்துள்ளனா். கடைகளை அகற்றாவிடில் கடைகளுக்கு பூட்டு போடும் போராட்டம் நடத்தப்படும் என்றாா்.
