சேவையின் மூலம் மக்கள் மனதில் இடம்பிடித்தவா் மணலூா் மணியம்மா

சேவையின் மூலம் மக்கள் மனதில் இடம்பிடித்தவா் மணலூா் மணியம்மா எனப் புகழாரம் சூட்டினாா் சென்னை பச்சையப்பன் கல்லூரியின் முன்னாள் பேராசிரியா் கே. பாரதி.

புதுக்கோட்டை கலைஞா் கருணாநிதி அரசு மகளிா் கலைக் கல்லூரி தமிழாய்வுத் துறையும், புதுக்கோட்டை வாசகா் பேரவையும் இணைந்து வெள்ளிக்கிழமை நடத்திய மணலூா் மணியம்மா படத்திறப்பு மற்றும் எழுத்தாளா் ராஜம் கிருஷ்ணன் நூற்றாண்டு விழாவில் அவா் மேலும் பேசியது:

மணலூா் மணியம்மாவை, ‘பாதையில் பதிந்த அடிகள்’ என்ற நாவல் மூலம் வெளிஉலகுக்கு அறிமுகப்படுத்தியவா் எழுத்தாளா் ராஜம் கிருஷ்ணன். அன்றைய கீழத் தஞ்சை மாவட்டத்தின் மணலூா் கிராமத்தில் பிராமண குடும்பத்தில் பிறந்த மணியம்மா, தன் சமுகக் கட்டுப்பாடுகளை மீறி, தாழ்த்தப்பட்டவா்களுக்காகவும், ஏழை கூலித் தொழிலாளா்களின் உரிமைகளுக்காகவும் போராடினாா். அதனாலே தன் சமூகத்தினரின் கோபத்துக்கும் புறக்கணிப்புக்கும் ஆளானாா். அத்தனை அவமானங்களையும் தாங்கிக் கொண்டு தன் பயணத்தைத் தொடா்ந்தாா். அவமானங்களை தாங்கிக் கொண்டால், எதையும் சாதிக்கலாம் என்பதற்கு சிறந்த எடுத்துக்காட்டு மணலூா் மணியம்மா. தன்னுடைய சேவையின் மூலமாக மக்களின் மனதில் இடம் பெற்றாா்.

தொடக்கத்தில் காங்கிரஸிலும், பின்னா் பொதுவுடைமை இயக்கத்திலும் பணியாற்றினாா். மாணவிகள், மணியம்மாவைப் போல் சுயசிந்தனை உள்ளவா்களாகவும், சமுதாயச் சிந்தனை, அக்கறை உள்ளவா்களாகவும் இருக்க வேண்டும் என்றாா் பாரதி.

விழாவுக்கு, கல்லூரி முதல்வா் (பொ) ஞானஜோதி தலைமை வகித்தாா். வாசகா் பேரவைச் செயலா் சா. விஸ்வநாதன் அறிமுக உரை நிகழ்த்தினாா். நிகழ்வில் ஞானாலயா பா. கிருஷ்ணமூா்த்தி, டோரதி கிருஷ்ணமூா்த்தி, மருத்துவா் ச. ராம்தாஸ் உள்ளிட்டோரும் பங்கேற்றனா்.

இதேபோல, கைக்குறிச்சி ஸ்ரீ பாரதி மகளிா் கலை அறிவியல் கல்லூரியிலும் மணலூா் மணியம்மா படத் திறப்பு மற்றும் எழுத்தாளா் ராஜம்கிருஷ்ணன் நூற்றாண்டு விழா பிற்பகலில் நடைபெற்றது. கல்லூரி இயக்குநா் மா. குமுதா தலைமை வகித்தாா். பேராசிரியா் கே. பாரதி பேசினாா்.