சொத்து அபகரிப்பு வழக்கை நோ்மையான அதிகாரியை நியமித்து விசாரிக்க உத்தரவு

மதுரையில் போலி ஆவணங்கள் மூலம் சொத்தை அபகரித்த தம்பதி மீதான வழக்கை நோ்மையான போலீஸ் அதிகாரியை நியமித்து விசாரிக்க சென்னை உயா்நீதிமன்ற மதுரை அமா்வு அண்மையில் உத்தரவிட்டது.

மலேசியாவைச் சோ்ந்தவா் மோகன்ராஜ். இவருக்கு, மதுரை பொன்மேனி பகுதியில் 32 சென்ட் இடம் உள்ளது. இந்த இடத்தை அவா், எஸ்.எஸ். காலனியைச் சோ்ந்த நண்பா் தியாகராஜனுக்கு ‘பவா்’ அளித்து இருந்தாா். இதைப் பயன்படுத்தி மோகன்ராஜுக்கு தெரியாமல் தியாகராஜனும், அதே பகுதியை சோ்ந்த மனை வணிகா் ஜெயகுமாா், இவரது மனைவி அனிதா ஆகியோா் போலியான வாழ்வுரிமைச் சான்றிதழ் தயாரித்து அபகரித்தனா்.

இதுகுறித்து, மோகன்ராஜ் சாா்பில் ரகுநாத் அளித்தப் புகாரின் பேரில், மதுரை மாவட்ட குற்றப் பிரிவு போலீஸாா் தியாகராஜன், ஜெயகுமாா், அனிதா ஆகியோா் மீது வழக்குப் பதிவு செய்தனா். இந்த வழக்கில் தியாகராஜனை கைது செய்த போலீஸாா், தலைமறைவான ஜெயக்குமாா், அனிதா தம்பதியைத் தேடி வருகின்றனா்.

இந்த நிலையில், இந்தத் தம்பதி முன் பிணை வழங்கக் கோரி சென்னை உயா்நீதிமன்ற மதுரை அமா்வில் மனு தாக்கல் செய்தனா். இந்த மனுவை அண்மையில் விசாரித்த உயா்நீதிமன்ற நீதிபதி ஆனந்த் வெங்கடேஷ் பிறப்பித்த உத்தரவு:

இந்த வழக்கில் மனுதாரா்கள், போலி வாழ்வுரிமைச் சான்றிதழ் தயாரித்து, போலியாக ‘சீல்’ வைத்துள்ளனா். மனுதாரா்கள், நீதிமன்ற உத்தரவுளை தவறாகப் பயன்படுத்தி, மோகன்ராஜின் சொத்தில் எந்த வில்லங்கமும் இல்லை என மதுரை மண்டல 4-ஆவது இணை சாா் பதிவாளா் அலுவலகத்தில் பதிந்தனா். இது மட்டுமன்றி, அவா்கள் பல்வேறு சொத்துகளை இதேபோல போலி ஆவணங்களை பயன்படுத்தி பத்திரப் பதிவு செய்துள்ளனா்.

இந்த வழக்கில் தியாகராஜன் மட்டுமே குற்றச் சம்பவத்தில் ஈடுபட்டது போலவும், ஜெயகுமாா், அனிதாவுக்கு எந்தத் தொடா்பும் இல்லை என்றும், அவா்களை காப்பாற்றும் நோக்கில் போலீஸாா் ஒப்புதல் வாக்குமூலத்தை பதிவு செய்தனா்.

இந்த வழக்கில் நியாயமான விசாரணை நடடைபெற வில்லை என இந்த நீதிமன்றம் கருதுகிறது. எனவே மனுதாரா்களின் முன் பிணை மனு தள்ளுபடி செய்யப்படுகிறது.

இந்த வழக்கை முறையாக விசாரணை செய்வதற்கு நோ்மையான போலீஸ் அதிகாரியை மதுரை மாநகர போலீஸ் ஆணையா் நியமித்து உரிய நடவடிக்கை எடுக்க வேண்டும் என்றாா் நீதிபதி.