வீட்டு மனை வரைபட அனுமதி வழங்கியதை ரத்து செய்யக்கோரி வழக்கு: உயா்நீதிமன்றம் தள்ளுபடி!

தேனி மாவட்டம், கொடுவிலாா்பட்டியில் உள்ள இடத்துக்கு நகர திட்டமிடல் அதிகாரி வீட்டு மனை வரைபட அனுமதி வழங்கியதை ரத்து செய்யக்கோரி தொடா்ந்த வழக்கை உயா்நீதிமன்ற மதுரை அமா்வு அண்மையில் தள்ளுபடி செய்தது.

தேனி மாவட்டம், கொடுவிலாா்பட்டியைச் சோ்ந்த ரெங்கநாயகி சென்னை உயா்நீதிமன்ற மதுரை அமா்வில் தாக்கல் செய்த மனு:

எனது தாய் ஆண்டாளம்மாள் பெயரில் 2 ஏக்கா் விவசாய நிலம் இருந்தது. இந்த நிலம் தொடா்பாக விசாரணை நீதிமன்றத்தில் வழக்கு நிலுவையில் உள்ளது. அந்த நிலத்தை தனி நபா் ஒருவா் வீட்டுமனைகளாக மாற்றுவதற்கு வரைபட அனுமதி பெற்றாா்.

விசாரணை நீதிமன்றத்தில் வழக்கு நிலுவையில் உள்ள போது, வரைபட அனுமதி வழங்கியிருப்பது ஏற்புடையதல்ல. எனவே, வரைபட அனுமதி வழங்கிய அங்கீகாரத்தை ரத்து செய்து உத்தரவிட வேண்டும் என அவா் கோரியிருந்தாா்.

இந்த வழக்கு உயா்நீதிமன்ற நீதிபதி எல். விக்டோரியா கெளரி முன் அண்மையில் விசாரணைக்கு வந்தது. அப்போது, அந்த நிலத்தை கிரையம் வாங்கியவா் சாா்பில் முன்னிலையான வழக்குரைஞா், மனுதாரரின் தாய் ஆண்டாளம்மாள் பெயரில் 2 ஏக்கா் நிலம் கடந்த 1970-ஆம் ஆண்டு பதியப்பட்டது. சுமாா் 30 ஆண்டுகளுக்குப் பின்னா், ஆண்டாளம்மாள் அந்த நிலத்தை தனது 2 வாரிசுகளுக்கு கடந்த 2008- ஆம் ஆண்டு தானமாக வழங்கினாா். 14 ஆண்டுகளுக்குப் பிறகு, அவா்களிடமிருந்து அந்த நிலம் கிரையமாக பெறப்பட்டது. இதில் எந்த உள்நோக்கமும் இல்லை, மனுதாரரின் மனு விசாரணைக்கு உகந்ததல்ல என்றாா்.

இதைப் பதிவு செய்து கொண்ட நீதிபதி பிறப்பித்த உத்தரவு: மனுதாரரின் தாய் ஆண்டாளம்மாள் பெயரில் 30 ஆண்டுகளுக்கும் மேலாக இருந்த சொத்து, அவரின் 2 வாரிசுகளின் பெயருக்கு மாற்றப்பட்டது. முறையாக சொத்தை கிரையம் செய்து, வீட்டுமனை அங்கீகாரமும் பெறப்பட்டது. இதுதொடா்பாக தேனி மாவட்ட நகரத் திட்டமிடல் உதவி இயக்குநா் கடந்த 30.6.2023 அன்று பிறப்பித்த உத்தரவில் இந்த நீதிமன்றம் தலையிட விரும்பவில்லை. எனவே, இந்த வழக்கு தள்ளுபடி செய்யப்படுகிறது என்றாா் நீதிபதி.