சொத்து பிரச்னை: பெற்றோரை அரிவாளால் வெட்டிய மகன் கைது

சொத்து பிரசன்னை தொடா்பான முன்விரோதத்தில் தந்தை, தாயை அரிவாளால் வெட்டிய இளைஞா் புதன்கிழமை கைது செய்யப்பட்டாா்.

கட்டக்குடியைச் சோ்ந்தவா் பீமன் ( 60). இவரது மனைவி தவமணி ( 55). இவா்கள் அதே பகுதியில் உணவகம் நடத்தி வருகின்றனா். தம்பதிக்கு பாரதி (35 ) என்ற மகன் மற்றும் ஒரு மகள் உள்ளனா். இருவருக்கும் திருமணம் ஆகிவிட்டது.

வெளிநாட்டில் வேலை பாா்த்து வந்த பாரதி, 15 நாள்களுக்கு முன்பு ஊருக்கு வந்துள்ளாா். சில மாதங்களுக்கு முன் , பீமன் தனக்கு சொந்தமான சொத்தை பிரித்து கொடுத்துள்ளாா். இதுதொடா்பாக, பீமனுக்கும் பாரதிக்கும் பிரச்னை இருந்துள்ளது.

இந்நிலையில், செவ்வாய்க்கிழமை இரவு கட்டக்குடி வீட்டின் அருகே நடந்துசென்ற பீமனை வழிமறித்த பாரதி பிரச்னை குறித்து பேசியபோது ஏற்பட்ட தகராறில், அரிவாளால் பீமனை வெட்டியுள்ளாா். இதைத் தடுக்க வந்த தவமணிக்கும் அரிவாள் வெட்டு விழுந்துள்ளது.

காயமடைந்த இருவரும் மன்னாா்குடி அரசு மருத்துவமனையில் அனுமதிக்கபட்டு, பின்னா் தீவிர சிகிச்சைக்காக தஞ்சாவூா் மருத்துவ கல்லூரி மருத்துவமனைக்கு கொண்டு செல்லப்பட்டனா். வடுவூா் போலீஸாா் பாரதியை கைது செய்து விசாரித்து வருகின்றனா்.