மாணவா்களுக்கான தேவாரத் திருமுறை மனனப் போட்டிகள் சென்னையில் ஜன.25-ஆம் தேதி நடைபெறவுள்ளது என சென்னை சேக்கிழாா் ஆராய்ச்சி மையம் தெரிவித்துள்ளது.
இது குறித்து அந்த மையத்தின் செயலா் சிவாலயம் ஜெ.மோகன் வெளியிட்ட செய்திக் குறிப்பு: கடந்த 32 ஆண்டுகளாக சென்னையில் தெய்வச் சேக்கிழாா் பெருமானுக்கு விழா எடுக்கும் சேக்கிழாா் ஆராய்ச்சி மையம் மொழி, நாடு, தொண்டு, அன்பு, இசை, இறை மற்றும் இலக்கிய உணா்வுகளை மாணவா்களிடையே ஊக்குவிக்க வேண்டும் என்ற எண்ணத்தில் தேவாரத் திருமுறை மனனப் போட்டிகளை நடத்தி வருகிறது.
அந்த வகையில், நிகழாண்டுக்கான போட்டிகள் சென்னை மயிலாப்பூா் சம்ஸ்கிருத கல்லூரி வளாகத்தில் அமைந்துள்ள சாவித்திரியம்மாள் ஓரியண்டல் மேல்நிலைப் பள்ளியில் ஜன.25-ஆம் தேதி (சனிக்கிழமை) காலை 9 மணிக்கு நடைபெறும். போட்டியில் கலந்து கொள்ளும் மாணவா்கள் பள்ளித் தலைமை ஆசிரியரிடம் அனுமதிக் கடிதம் அல்லது அடையாள அட்டை கொண்டு வருதல் வேண்டும்.
போட்டியில் பங்கேற்க விரும்பும் மாணவா்களின் பெயா்களை அந்தந்த பள்ளிகளின் முதல்வா்கள், தலைமை ஆசிரியா்கள் சேக்கிழாா் ஆராய்ச்சி மையம், எண் 22/16, கற்பகாம்பாள் நகா், மயிலாப்பூா், சென்னை-600004 என்ற முகவரிக்கு அஞ்சல் மூலமாகவோ அல்லது மின்னஞ்சல் வழியாகவோ தெரியப்படுத்த வேண்டும். போட்டிகள் ஒன்று முதல் மூன்றாம் வகுப்பு வரை; நான்கு முதல் ஆறாம் வகுப்பு வரை; ஏழாம் வகுப்பு முதல் ஒன்பதாம் வகுப்பு வரை என மூன்று பிரிவுகளில் நடைபெறும்.
வெற்றி பெற்ற மாணவா்களுக்கு சென்னையில் ஜூலை மாத கடைசி வார வெள்ளிக்கிழமை நடைபெறும் தெய்வச் சேக்கிழாா் விழாவில், ஒவ்வொரு பிரிவுக்கும் முதல் பரிசு ரூ.1,500, இரண்டாம் பரிசு ரூ.1,000, மூன்றாம் பரிசு ரூ.750, ரூ.500 வீதம் நான்கு ஊக்கப் பரிசுகள் வழங்கப்படும்.
இந்த போட்டிகளுக்கான தலைப்புகள் உள்ளிட்ட கூடுதல் தகவல்களுக்கு 044-24997785, 9003234158, 9487267642, 9962386809, 9600877559 ஆகிய தொலைபேசி எண்களில் தொடா்பு கொள்ளலாம் என அதில் தெரிவிக்கப்பட்டுள்ளது.
