செய்திகள் :

டிரம்ப்புக்கு போட்டியாக எலான் மஸ்க்! அமெரிக்காவுக்கு விடுதலையா?

post image

அமெரிக்காவில் புதிய கட்சி ஒன்றை எலான் மஸ்க் தொடங்கியதாக அறிவித்தார்.

அமெரிக்காவில் டொனால்ட் டிரம்ப் அரசு கொண்டுவந்த செலவு மசோதாவுக்கு எதிர்ப்பு தெரிவித்த எலான் மஸ்க், அமெரிக்காவை ஊழல் மற்றும் வீண் செலவு மூலம் திவாலாக்க முயற்சிக்கும் ஒரு கட்சி அரசியலின் ஆட்சியில்தான் நாம் இருக்கிறோம்; ஜனநாயக ஆட்சியில் நாம் இல்லை என்று விமர்சித்தார்.

தொடர்ந்து, அமெரிக்கர்களுக்கு சுதந்திரத்தைக் கொடுப்பதற்காக அமெரிக்கா கட்சி தொடங்கப்பட்டதாகவும் அறிவித்தார்.

ஜூலை 4 ஆம் தேதியில் ``உங்களுக்கு விடுதலை வேண்டுமா? அமெரிக்கன் பார்ட்டி தொடங்கலாமா?’’ என்று மக்களிடம் கேள்வி எழுப்பினார். எலான் மஸ்க்கின் கேள்விக்கு சாதகமாக, 65.4 சதவிகிதத்தினர் `ஆம்’ என்று பதிலளித்தனர்.

அமெரிக்க அரசு கொண்டுவந்த வரி மற்றும் செலவு மசோதாவால், அந்நாட்டு அதிபர் டொனால்ட் டிரம்ப்புக்கும் டெஸ்லா நிறுவனரும் டிரம்ப்பின் தீவிர ஆதரவாளராக இருந்தவருமான எலான் மஸ்க்குக்கும் இடையிலான நட்புறவில் விரிசல் ஏற்பட்டது.

ஒன் பிக் அண்ட் பியூட்டிஃபுல் பில் என்ற செலவு மசோதாவை டிரம்ப் கொண்டுவர முயன்றபோது, அதனை ஏற்க மறுத்த எலான் மஸ்க், இந்த மசோதாவால் நாட்டின் கடன் அதிகரிக்கும் என்றும் எச்சரித்தார். மேலும், மசோதாவை ஆதரிப்பது தவறு என்று குடியரசுக் கட்சி உறுப்பினர்களையும் கேட்டுக் கொண்டார்.

ஆனால், டிரம்ப் கூறும் மசோதாவால், அடுத்த 10 ஆண்டுகளில் நாட்டின் கடன் 3.4 டிரில்லியன் டாலர்வரை (சுமார் ரூ. 2,90,70,527 கோடிகள்) அதிகரிக்கும் என்று பொருளாதார வல்லுநர்களும் கூறுகின்றனர்.

இதன் தொடர்ச்சியாக, டிரம்ப்பும் மஸ்க்கும் ஒருவரையொருவர் குற்றஞ்சாட்டி, பொதுவெளியிலேயே (சமூக ஊடகங்களில்) சண்டையிட்டனர். அதுமட்டுமின்றி, மசோதா அமல்படுத்தப்பட்டால், தான் புதிய கட்சி தொடங்குவேன் என்று எலான் மஸ்க் கூறினார்.

இதனிடையே, 80 சதவிகித நடுத்தர மக்களை பிரதிநிதித்துவப்படுத்த புதிய கட்சி தேவையா? என்று எக்ஸ் தளத்தில் எலான் மஸ்க் கருத்துக் கணிப்பு நடத்தினார்.

இந்தக் கருத்துக் கணிப்புக்கு 80 சதவிகிதத்தினர் (56.30 லட்சம் பேர்) `ஆம்’ என்று பதிலளித்தனர். அமெரிக்க மக்களின் இந்த பதில், சமூக ஊடகங்களில் பேசுபொருளாகியது. 

எலான் மஸ்க் கட்சி தொடங்குவது ஒருபுறம் இருந்தாலும், அமெரிக்காவின் பிரதான எதிர்க்கட்சியான ஜனநாயகக் கட்சியை வீழ்த்துவதற்காகவே, எலான் மஸ்க்கை வைத்து புதிய கட்சியை டிரம்ப்பும் சேர்ந்து திட்டமிட்டு தொடங்கியிருக்கலாம் என்று இணையவாசிகள் யூகிக்கின்றனர்.

Elon Musk Launches America Party

அமெரிக்கா: திடீா் வெள்ளத்தில் 24 போ் உயிரிழப்பு

அமெரிக்காவின் டெக்ஸஸ் மாகாணத்தில் குவாடலூப் நதியை ஒட்டிய பகுதிகளில் ஏற்பட்ட திடீா் வெள்ளத்தில் 24 போ் உயிரிழந்தனா்; கொ்வில் மாவட்டத்தில் உள்ள கேம்ப் மிஸ்டிக் என்ற கிறிஸ்தவ கோடைகால முகாமில் இருந்த 23... மேலும் பார்க்க

பாகிஸ்தான்: கட்டட விபத்தில் 16 போ் உயிரிழப்பு

பாகிஸ்தானின் தெற்கு பகுதியில் உள்ள கராச்சியில் அடுக்கு மாடி குடியிருப்பு கட்டடம் இடிந்து விழுந்ததில் 16 போ் உயிரிழந்தனா். இது குறித்து அரசு நடத்தும் சிவில் மருத்துவமனை வெளியிட்ட அறிக்கையில் தெரிவிக்க... மேலும் பார்க்க

போா் நிறுத்தம்: ஹமாஸ் ‘ஆக்கபூா்வ’ பதில்

இஸ்ரேலுடனான 21 மாத காஸா போரை முடிவுக்கு கொண்டுவருவதற்காக அமெரிக்கா முன்வைத்துள்ள போா் நிறுத்த வரைவு திட்டத்திற்கு “நோ்மறையான” பதிலை வழங்கியுள்ளதாக ஹமாஸ் அமைப்பு அறிவித்துள்ளது. இது குறித்து அந்த அமைப... மேலும் பார்க்க

ரஷிய விமான தளத்தில் தாக்குதல்: உக்ரைன்

உக்ரைன் மீதான தனது தீவிர வான்வழித் தாக்குதலை ரஷியாவின் தொடா்ந்துவரும் சூழலில், அந்த நாட்டு விமான தளத்தின் மீது தாக்குதல் நடத்தியதாக உக்ரைன் அறிவித்துள்ளது. இந்தத் தாக்குதல்களால் மூன்று ஆண்டுகளுக்கும் ... மேலும் பார்க்க

துப்பாக்கி வன்முறை: இலங்கையில் 300 போ் கைது

துப்பாக்கி வன்முறையை கட்டுப்படுத்தவும், குற்றவியல் கும்பல்களை ஒடுக்கவும் இலங்கை அதிகாரிகள் மேற்கொண்ட நடவடிக்கையில், கொழும்பு வடக்கு புகா்ப் பகுதிகளில் 300-க்கும் மேற்பட்டோா் கைது செய்யப்பட்டனா். இது க... மேலும் பார்க்க

துருக்கி, சிரியாவில் பயங்கர காட்டுத் தீ! மக்கள் வெளியேற்றம்..போராடும் தீயணைப்பு வீரர்கள்!

துருக்கி மற்றும் சிரியா நாடுகளில் காட்டுத் தீ பரவி வருவதால், இருநாட்டு தீயணைப்புப் படையினரும் தங்களது எல்லைகளில் தீயை அணைக்கப் போராடி வருகின்றனர். துருக்கி நாட்டில் கடந்த ஜூன் 26 ஆம் தேதி முதல் பல்வேற... மேலும் பார்க்க