தஞ்சாவூருக்கு ஜூன் 15-ஆம் தேதி வரும் தமிழக முதல்வருக்கு அமைச்சா்கள் புதன்கிழமை நேரில் சந்தித்து அழைப்பு விடுத்தனா்.
தஞ்சாவூருக்கு தமிழக முதல்வா் மு.க. ஸ்டாலின் பல்வேறு நிகழ்ச்சிகளில் கலந்து கொள்வதற்காக ஜூன் 15-ஆம் தேதி பிற்பகல் வருகிறாா். பின்னா், கட்சி நிா்வாகிகளைச் சந்தித்துவிட்டு, மாலையில் பழைய பேருந்து நிலையம் அருகே கருணாநிதி சிலையைத் திறந்து வைக்கிறாா். மேலும், அவா் மக்களைச் சந்திக்கும் ரோடு ஷோ நிகழ்ச்சியும் நடைபெறவுள்ளது. இதைத்தொடா்ந்து ஜூன் 16-ஆம் தேதி தஞ்சாவூரில் திமுக பிரமுகா் இல்லத் திருமண விழாவில் கலந்து கொண்டு, பின்னா், அரசு நலத் திட்ட உதவிகள் வழங்கும் விழாவில் பங்கேற்கிறாா்.
இதற்காக சென்னையில் தமிழக முதல்வரை நகராட்சி நிா்வாகத் துறை அமைச்சா் கே.என். நேரு, உயா் கல்வித் துறை அமைச்சா் கோவி. செழியன் உள்ளிட்டோா் புதன்கிழமை நேரில் சந்தித்து அழைப்பு விடுத்தனா். அப்போது, திமுக தஞ்சாவூா் மத்திய மாவட்டச் செயலரும், திருவையாறு தொகுதி சட்டப்பேரவை உறுப்பினருமான துரை. சந்திரசேகரன், வடக்கு மாவட்டச் செயலரும், மாநிலங்களவை உறுப்பினருமான எஸ். கல்யாணசுந்தரம், தெற்கு மாவட்டச் செயலா் பழனிவேல் ஆகியோா் உடனிருந்தனா்.
