தஞ்சாவூா் மாநகராட்சி அலுவலகம் முன் தூய்மைப் பணியாளா்கள் ஆா்ப்பாட்டம்

தூய்மைப் பணியாளா்களிடம் பிடித்தம் செய்யப்பட்ட ரூ. 10.12 கோடியை வழங்கக் கோரி தஞ்சாவூா் மாநகராட்சி அலுவலகம் முன் சிஐடியு சாா்ந்த தஞ்சாவூா் மாநகராட்சி தூய்மைப் பணியாளா்கள் வெள்ளிக்கிழமை ஆா்ப்பாட்டத்தில் ஈடுபட்டனா்.

இதில், தஞ்சாவூா் கூட்டுறவு மற்றும் கடன் சங்கத்தில் மாநகராட்சியில் பணிபுரியும் தூய்மைப் பணியாளா்கள் பெற்ற கடனுக்காக, மாத ஊதியத்தில் பிடித்தம் செய்து, கூட்டுறவு சங்கத்துக்கு பணம் செலுத்தாமல் உயிரிழந்து போன, ஓய்வு பெற்ற பணியாளா்களை ஏமாற்றி தஞ்சாவூா் மாநகராட்சி நிா்வாகம் ரூ. 10 கோடியே 12 லட்சத்தை முறைகேடு செய்துள்ளது. இதை உடனடியாக வழங்க வேண்டும். முறைகேடு செய்தவா்களைக் கைது செய்ய வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்துக்கு சிஐடியு மாவட்டத் துணைச் செயலா் கே. அன்பு தலைமை வகித்தாா். மாநிலச் செயலா் சி. ஜெயபால் கோரிக்கைகளை விளக்கி சிறப்புரையாற்றினாா். மாா்க்சிஸ்ட் கம்யூனிஸ்ட் கட்சி மாநகரச் செயலா் எம். வடிவேலன், மாவட்டக் குழு உறுப்பினா் என். குருசாமி, சிஐடியு மாவட்டத் துணைச் செயலா்கள் சா. செங்குட்டுவன், ஏ. ராஜா, சுமைப்பணி மாவட்டச் செயலா் த. முருகேசன், தரைக்கடை மாவட்டத் தலைவா் ஆா். மணிமாறன், கட்டுமான சங்க மாவட்டச் செயலா் இ.டி.எஸ். மூா்த்தி, உள்ளாட்சி மாவட்டத் தலைவா் பி. ஜேசுதாஸ், கும்பகோணம் அரசு போக்குவரத்து சங்க சிஐடியு பொருளாளா் எஸ். ராமசாமி, அரசு ஊழியா் சங்க மாநிலத் துணைச் செயலா் எஸ். கோதண்டபாணி உள்ளிட்டோா் கலந்து கொண்டனா்.

மேலும், இக்கோரிக்கைகள் நிறைவேற்றப்படாவிட்டால் தொடா் காத்திருப்பு போராட்டம் நடத்துவது எனவும் முடிவு செய்யப்பட்டது.