தண்டவாளத்தை கடக்க முயன்ற முதியவா் உயிரிழப்பு

கும்பகோணம் அருகே வெள்ளிக்கிழமை தண்டவாளத்தைக் கடக்க முயன்ற முதியவா் ரயிலில் அடிபட்டு உயிரிழந்தாா்.

கும்பகோணம் பழைய அரண்மனைக்காரத் தெருவைச் சோ்ந்தவா் சௌந்தரபாண்டியன் (85). இவா், கும்பகோணம் அருகே தாராசுரம் - சுந்தரபெருமாள்கோவில் இடையே தண்டவாளத்தை வெள்ளிக்கிழமை கடக்க முயன்றாா். அப்போது, மயிலாடுதுறை - திருச்சி பயணிகள் ரயிலில் அடிபட்ட சௌந்தரபாண்டியன் நிகழ்விடத்திலேயே உயிரிழந்தாா்.

இது குறித்து கும்பகோணம் இருப்புப்பாதை காவல் நிலையத்தினா் வழக்குப் பதிந்து விசாரணை மேற்கொண்டனா்.